ຄຳນຳ

ນະໂຍບາຍຄວາມເປັນສ່ວນຕົວນີ້ ("ນະໂຍບາຍ") ແມ່ນໄດ້ຮັບຮອງເອົາໂດຍ MAXIM ປະຕິບັດຕາມກົດໝາຍວ່າດ້ວຍການປົກປ້ອງຂໍ້ມູນທາງເອເລັກໂທຣນິກຂອງ ສປປ ລາວ (2017) ແລະ ກົດໝາຍວ່າດ້ວຍທຸລະກຳທາງອີເລັກໂທຣນິກຂອງ ສປປ ລາວ ສະບັບເລກທີ 025. (2013). MAXIM ເຄົາລົບ ແລະ ໃຫ້ຄຸນຄ່າດ້ານສິດທິຂໍ້ມູນຄວາມເປັນສ່ວນຕົວຂອງຜູ້ໃຊ້ ແລະ ໃຫ້ແນ່ໃຈວ່າຂໍ້ມູນສ່ວນບຸກຄົນທັງຫມົດທີ່ເກັບກໍາຈາກຜູ້ໃຊ້ໄດ້ຖືກ​ປະ​ຕິ​ບັດ​ຕາມ​ຫຼັກ​ການ​ທົ່ວ​ໄປ​ຂອງ​ຄວາມ​ໂປ່ງ​ໃສ​, ຕາມຈຸດປະສົງທີ່ຖືກຕ້ອງ ແລະ ເຫມາະສົມ.

ນະໂຍບາຍນີ້ແຈ້ງໃຫ້ຜູ້ຊົມໃຊ້ໄດ້ຊາບກ່ຽວກັບມາດຕະການປ້ອງກັນ ແລະ ຄວາມປອດໄພຂອງຂໍ້ມູນຂອງ MAXIM ແລະ ສາມາດນຳໃຊ້ເປັນຄູ່ມືໃນການປະຕິບັດສິດພາຍໃຕ້ກົດໝາຍຂອງ ສປປ ລາວ.

ນິຍາມຂອງຂໍ້ກໍານົດ

ສໍາລັບເຈດຈະນາ ແລະ ຈຸດປະສົງທັງໝົດ, ຄຳສັບຕໍ່ໄປນີ້ທີ່ໃຊ້ໃນທີ່ນີ້ໝາຍເຖິງ:

1. MAXIM - ຫມາຍເຖິງບໍລິສັດ Maxim Laos Co., Ltd ບໍລິສັດ ແມັກຊິມ ລາວ ຈໍາກັດ ໃນ ສປປ ລາວ, ບໍລິສັດໃນເຄືອ, ຄູ່ຮ່ວມງານ, ບໍລິສັດຍ່ອຍ, ພະນັກງານ ແລະ ອົງການຈັດຕັ້ງອື່ນໆທີ່ກ່ຽວຂ້ອງກັບບໍລິສັດ Maxim Laos Co., Ltd ບໍລິສັດ ແມັກຊິມ ລາວ ຈໍາກັດ ໃນ ສປປ ລາວ, ພາຍໃຕ້ນະໂຍບາຍນີ້ MAXIM ຈະເຮັດຫນ້າທີ່ເປັນຜູ້ຄວບຄຸມຂໍ້ມູນ.

2. Data processor ຫລື ຜູ້ປະມວນຜົນຂໍ້ມູນ - ຫມາຍເຖິງຜູ້ຄວບຄຸມຂໍ້ມູນສ່ວນບຸກຄົນພາຍໃຕ້ນາມຂອງຜູ້ຊົມໃຊ້.

3. Client ຫລື ລູກຄ້າ - ຫມາຍເຖິງບຸກຄົນໃດຫນຶ່ງທີ່ສະຫມັກສະມາຊິກ ແລະ ນໍາໃຊ້ການບໍລິການຂອງ MAXIM ເພື່ອວາງອໍເດີ້ ເຊິ່ງຈະດໍາເນີນການໂດຍຄູ່ຮ່ວມງານໂດຍການສະຫນອງຂໍ້ມູນສ່ວນຕົວ ແລະ ຂໍ້ມູນທີ່ລະອຽດອ່ອນຂອງລູກຄ້າໃຫ້ແກ່ MAXIM ຢ່າງສະຫມັກໃຈ.

4. Partner ຫລື ຄູ່ຮ່ວມງານ - ຫມາຍເຖິງບຸກຄົນທີ່ໄດ້ສະຫມັກສະມາຊິກຍອມຮັບຂໍ້ກໍານົດ ແລະ ນະໂຍບາຍການບໍລິການຂອງ MAXIM ແລະ ໄດ້ຕົກລົງດ້ວຍຄວາມສະຫມັກໃຈທີ່ຈະສະຫນອງການຈັດສົ່ງ, ການຂົນສົ່ງ ແລະ ການບໍລິການອື່ນໆທີ່ແອັບພລິເຄຊັນສະເຫນີໃຫ້ກັບລູກຄ້າ, ບໍ່ວ່າຈະເປັນກະເປົ໋າ ຫຼື ສິນຄ້າ ຂອງລູກຄ້າໂດຍການສະຫນອງຂໍ້ມູນສ່ວນຕົວ ແລະ ຂໍ້ມູນທີ່ລະອຽດອ່ອນຂອງລູກຄ້າໃຫ້ແກ່ MAXIM ຢ່າງສະຫມັກໃຈ.

5. User ຫລື ຜູ້ໃຊ້ - ໝາຍເຖິງທັງລູກຄ້າ ແລະ/ຫຼື ຄູ່ຮ່ວມງານ ທີ່ຂໍ້ມູນສ່ວນຕົວ ແລະ ຂໍ້ມູນທີ່ລະອຽດອ່ອນຈະຖືກປະມວນຜົນໂດຍ MAXIM.

6. Application ຫລື ແອັບພລິເຄຊັນ - ໝາຍເຖິງທັງແອັບພລິເຄຊັນຊອບແວມືຖື ທີ່ຕິດຕັ້ງຢູ່ໃນອຸປະກອນມືຖືຂອງຜູ້ໃຊ້ ແລະ ບໍລິການອໍເດີທາງອອນໄລນ໌ທີ່ມີຢູ່ໃນເວັບໄຊທ໌ທາງການຂອງ MAXIM. ແອັບພລິເຄຊັນເທິງມືຖື ແລະ ບໍລິການອໍເດີທາງອອນໄລນ໌ໄດ້ຖືກລວມເຂົ້າກັບຊອບແວ ແລະ ໂປຣແກຣມຂອງ MAXIM ເຊິ່ງຊ່ວຍໃຫ້ສາມາດປະມວນຜົນອໍເດີຂອງຜູ້ໃຊ້ງານໄດ້. ແອັບພລິເຄຊັນ​ຈະ​ເຮັດຫນ້າທີ່ເປັນແພລັດຟອມສໍາ​ລັບ​ການ​ເກັບ​ກໍາ​ຂໍ້​ມູນ​ຈາກ​ຜູ້​ໃຊ້​​.

7. Service ຫລື ການບໍລິການ - ຫມາຍເຖິງການຮັບ, ການປະມວນຜົນ ແລະ ລວມທັງການສົ່ງຂໍ້ມູນຂອງລູກຄ້າ, ເຊິ່ງບໍ່ຈໍາກັດພຽງແຕ່ຂໍ້ມູນການອໍເດີ້, ຂໍ້ມູນກະເປົ໋າເດີນທາງ, ຕຳແຫນ່ງທີ່ຕັ້ງທາງພູມສາດ ແລະ ຂໍ້ມູນສ່ວນບຸກຄົນອື່ນໆໃຫ້ກັບຄູ່ຮ່ວມງານເທົ່ານັ້ນ. ນອກຈາກນີ້ຍັງຫມາຍເຖິງການຮັບ, ການປະມວນຜົນ, ແລະ ລວມທັງການສົ່ງຂໍ້ມູນຂອງຄູ່ຮ່ວມງານ ເຊິ່ງບໍ່ຈໍາກັດພຽງແຕ່ຊື່, ຕຳແຫນ່ງທີ່ຕັ້ງທາງພູມສາດ, ຂໍ້ມູນຍານພາຫະນະ ແລະ ຂໍ້ມູນສ່ວນຕົວອື່ນໆໃຫ້ກັບລູກຄ້າ. ການບໍລິການຍັງລວມເຖິງການສະໜອງວິທີການສື່ສານ, ການເກັບກຳ, ການຊຳລະງິນລະຫວ່າງລູກຄ້າ ແລະ ຄູ່ຮ່ວມງານໂດຍຜ່ານແອັບພລິເຄຊັນ.

8. Order ຫລື ອໍເດີ້ - ຫມາຍເຖິງຄໍາສັ່ງ ຫຼື ຄໍາແນະນໍາ, ບໍ່ວ່າຈະເປັນການບໍລິການຂົນສົ່ງຜູ້ໂດຍສານ ແລະ ກະເປົ໋າເດີນທາງ ຫຼື ການບໍລິການອື່ນໆສໍາລັບການຈັດສົ່ງສິນຄ້າ, ການບໍລິການ, ລວມທັງການຈັດສົ່ງບໍລິການຊັກລີດສ່ວນຕົວ, ການຈັດຊື້ບໍລິການນວດ ຫຼື ການບໍລິການອື່ນໆທີ່ນຳສະເຫນີໂດຍແອັບພລິເຄຊັນ, ເຊິ່ງອໍເດີ້ໄວ້ໂດຍລູກຄ້າໃນແອັບພລິເຄຊັນ ທີ່ຈະຕ້ອງຖືກດໍາເນີນການ ແລະ ສົ່ງໄປໃຫ້ກັບຄູ່ຮ່ວມງານສະເພາະເພື່ອດຳເນີນການອໍເດີດັ່ງກ່າວໃຫ້ສຳເລັດ. ນອກຈາກນີ້ຍັງລວມເຖິງການອໍເດີ້ລ່ວງໜ້າໂດຍລູກຄ້າດ້ວຍ.

9. Profile ຫລື ໂປຣໄຟລ໌ - ຫມາຍເຖິງບັນຊີທີ່ຜູ້ໃຊ້ສ້າງ ແລະ ລົງທະບຽນໃນລະບົບ MAXIM ຢ່າງຖືກຕ້ອງ ທີ່ມີຂໍ້ມູນທີ່ກ່ຽວຂ້ອງກັບບຸກຄົນ, ເຊິ່ງເຮັດໃຫ້ສາມາດລະບຸຕົວຕົນບຸກຄົນດັ່ງກ່າວໄດ້, ບໍ່ວ່າຈະໂດຍທາງກົງ ຫຼື ທາງອ້ອມຂອງຂໍ້ມູນສ່ວນບຸກຄົນ ແລະ ລາຍລະອຽດຂອງບຸກຄົນນັ້ນ. ນອກຈາກນີ້ຍັງປະກອບດ້ວຍຂໍ້ມູນສະຖິຕິຂອງການບໍລິການທີ່ໄດ້ຈາກຄູ່ຮ່ວມງານ ຫຼື ສະຖານະປະຈຸບັນຂອງບັນຊີສ່ວນບຸກຄົນຂອງລູກຄ້າ, ຕາມແຕ່ລະກໍລະນີ. ໂປຼໄຟລ໌ຍັງສະແດງບັນຊີສ່ວນຕົວຂອງຜູ້ໃຊ້ທີ່ຊີ້ບອກເຖິງຈໍານວນເງິນທັງຫມົດທີ່ຜູ້ໃຊ້ຝາກໄວ້ໃນບັນຊີສ່ວນບຸກຄົນຂອງລາວລວມທັງທຸລະກໍາທັງຫມົດ, ທີ່ບໍ່ຈໍາກັດພຽງແຕ່ການຈ່າຍເງິນລ່ວງຫນ້າຂອງຜູ້ໃຊ້ ແລະ ຈໍານວນເງິນທີ່ຖືກຫັກອອກເປັນຄ່າສໍາລັບການດຳເນີນການຕາມອໍເດີ້.

10. Personal Account ຫລື ບັນຊີສ່ວນຕົວ - ສຳຫລັບຄູ່ຮ່ວມງານແມ່ນເປັນບັນຊີທີ່ບັນທຶກການຊຳລະເງິນລ່ວງຫນ້າ ແລະ ຫັກເງິນອອກຈາກຈຳນວນເງິນຝາກດັ່ງກ່າວເປັນຄ່າທຳນຽມການສະຫມັກສະມາຊິກ. ສຳຫລັບລູກຄ້າ ແມ່ນຫມາຍເຖິງບັນຊີທີ່ມີການຊຳລະເງິນລ່ວງຫນ້າຂອງລູກຄ້າ ແລະ ຈຳນວນເງິນຖືກຕັດ ຫລື ຫັກອອກເປັນການຊຳລະຄ່າບໍລິການຂອງຄູ່ຮ່ວມງານ.

11. Agreement ຫລື ຂໍ້ຕົກລົງ - ຫມາຍເຖິງຂໍ້ມູນທາງດ້ານກົດໝາຍ ແລະ ເງື່ອນໄຂການໃຫ້ບໍລິການທີ່ນະໂຍບາຍນີ້ຖືກສ້າງເປັນເອກະສານຊ້ອນທ້າຍ. ບົດບັນຍັດ ແລະ ຂໍ້ກໍານົດທີ່ມີຢູ່ໃນນັ້ນແມ່ນຖືວ່າລວມຢູ່ໃນນະໂຍບາຍນີ້.

12. Rating ຫລື ແຕ້ມ/ຄະແນນ - ຫມາຍເຖິງແຕ້ມ ຫຼື ຄະແນນຂອງຜູ້ໃຊ້ທີ່ຄິດໄລ່ໂດຍແອັບພລິເຄຊັນໂດຍອີງຈາກຄະແນນສະສົມ ແລະ ລາຍງານທີ່ຂຽນໂດຍຜູ້ໃຊ້ອື່ນ. ເຊິ່ງຈະໃຊ້ເປັນພື້ນຖານສໍາລັບການປະເມີນຄວາມຖີ່ຂອງການໄດ້ຮັບອໍເດີ້ໃນກໍລະນີຂອງຄູ່ຮ່ວມງານ ແລະ ການຈັດລຳດັບຄວາມສຳຄັນຂອງອໍເດີ້ໃນກໍລະນີຂອງລູກຄ້າ.

13. Consent of the User ຫລື ການຍິນຍອມເຫັນດີຂອງຜູ້ໃຊ້ - ຫມາຍເຖິງການມອບຢ່າງສະໝັກໃຈ, ສະເພາະເຈາະຈົງ, ການບົ່ງບອກເຖິງຄວາມຕັ້ງໃຈ, ເຊິ່ງຜູ້ໃຊ້ຕົກລົງເຫັນດີກັບການເກັບກໍາ ແລະ ການປະມວນຜົນຂໍ້ມູນສ່ວນບຸກຄົນກ່ຽວກັບ ແລະ/ຫຼື ທີ່ກ່ຽວຂ້ອງກັບຜູ້ໃຊ້. ການຍິນຍອມຈະຖືກພິສູດດ້ວຍວິທີການຂຽນ, ທາງອີເລັກໂທຣນິກ ຫຼື ບັນທຶກ, ລວມທັງລາຍເຊັນແບບປົກກະຕິ ແລະ ແບບອີເລັກໂທຣນິກ. ເຊິ່ງຜູ້ໃຊ້ຈະຕ້ອງເປັນຜູ້ດຳເນີນການຫລັກ, ການນໍາໃຊ້ແອບພລິເຄຊັນໃນພາຍຫລັງຜ່ານໂປຣໄຟລ໌ ຫລື ບັນຊີສ່ວນຕົວຈະຖືວ່າເປັນໄປຕາມຈຸດປະສົງ ແລະ ເຈດຕະນາທັງຫມົດຂອງນະໂຍບາຍນີ້, ເຊິ່ງຖືວ່າຍິນຍອມໃຫ້ດຳເນີນການປະມວນຜົນຂອງຂໍ້ມູນທັງຫມົດທີ່ກ່ຽວຂ້ອງ, ທີ່ໄດ້ເຊື່ອມໂຍງ ແລະ ອັບໂຫລດໄປຍັງບັນຊີສ່ວນຕົວ ຫຼື ໂປຣໄຟລ໌.

14. Information and Communications System ຫລື ລະບົບຂໍ້ມູນຂ່າວສານ ແລະ ການສື່ສານ - ໝາຍເຖິງລະບົບການຜະລິດ, ສົ່ງ, ຮັບ, ການຈັດເກັບ ຫຼື ປະມວນຜົນຂໍ້ຄວາມອີເລັກໂທຣນິກ ຫຼື ເອກະສານອີເລັກໂທຣນິກ ແລະ ລວມເຖິງລະບົບຄອມພິວເຕີ ຫຼື ອຸປະກອນອື່ນໆທີ່ຄ້າຍຄືກັນທີ່ໃຊ້ບັນທຶກຂໍ້ມູນ, ສົ່ງ ຫຼື ຈັດເກັບ ແລະ ຂັ້ນຕອນຕ່າງໆທີ່​ກ່ຽວ​ຂ້ອງ​ກັບ​ການ​ບັນ​ທຶກ​, ການ​ສົ່ງ ​ຫຼື ​ການຈັດເກັບ​ຂໍ້​ມູນ​ເອ​ເລັກ​ໂຕຣ​ນິກ​, ຂໍ້​ຄວາມ​ເອ​ເລັກ​ໂຕຣ​ນິກ​ ຫຼື​ ເອ​ກະ​ສານ​ເອ​ເລັກ​ໂຕຣ​ນິກ​.

15. Personal information ຫລື ຂໍ້ມູນສ່ວນບຸກຄົນ - ຫມາຍເຖິງຂໍ້ມູນໃດໆກໍຕາມທີ່ບັນທຶກໄວ້ໃນຮູບແບບວັດຖຸ ຫຼື ບໍ່ກໍຕາມ, ເຊິ່ງສາມາດລະບຸຕົວຕົນຂອງບຸກຄົນນັ້ນໄດ້ຢ່າງຊັດເຈນ ຫຼື ສາມາດລະບຸໄດ້ຢ່າງສົມເຫດສົມຜົນ ແລະ ໂດຍກົງໂດຍຫນ່ວຍງານທີ່ຖືຂໍ້ມູນ, ຫຼື ເມື່ອລວມເຂົ້າກັບຂໍ້ມູນອື່ນໆຈະສາມາດລະບຸຕົວຕົນໄດ້ໂດຍກົງ ແລະ ແນ່ນອນ. ເຊິ່ງມີລາຍລະອຽດດັ່ງນີ້:

1) ຊື່ເຕັມ

2) ເພດ 

3) ທີ່ຢູ່, ທີ່ຢູ່ອີເມວ

4​) ສະ​ຖານ​ທີ່​, GPS​

5) ເບີໂທລະສັບ

6​) ຂໍ້​ມູນ​ການ​ເຮັດ​ທຸ​ລະ​ກໍາ ​ຫຼື ​ຂໍ້ມູນທາງການ​ເງິນ (ຕົວ​ຢ່າງ: ວິ​ທີ​ການ​ຊໍາ​ລະ​​ເງິນ, ເລກ​ບັດ​ເຄຣ​ດິດ​, ເລກ​ບັດ​ເດ​ບິດ​, ເລກ​ບັນ​ຊີ​, ຊື່​ບັນ​ຊີ ​ແລະ ​ອື່ນໆ​)

7​) ຂໍ້​ມູນ ​ຍານ​ພາ​ຫະ​ນະ (ຕົວ​ຢ່າງ​: ເລກ​ປະຈຳຕົວລົດ​, ເລກ​ທະ​ບຽນ​, ຊື່​ຜູ້​ຄອບ​ຄອງ​ ຫຼື​ ຊື່​ເຈົ້າ​ຂອງ​ ແລະ​ ອື່ນໆ)​.

8​) ສື່​ມວນ​ຊົນ (ເຊັ່ນ​ຮູບ​ພາບ​, ວິ​ດີ​ໂອ​, ສຽງ​)

16. Personal information controller ຫລື ຜູ້ຄວບຄຸມຂໍ້ມູນສ່ວນບຸກຄົນ - ຫມາຍເຖິງບຸກຄົນ ຫຼື ນິຕິບຸກຄົນ: ຜູ້ທີ່ມີອໍານາດ ແລະ ຫນ້າທີ່ໃນການຕັດສິນໃຈກ່ຽວກັບການເກັບກຳລວບລວມ, ການຖືຄອງ, ການດຳເນີນການ ຫຼື ການນໍາໃຊ້ຂໍ້ມູນສ່ວນບຸກຄົນ, ລວມທັງບຸກຄົນ ຫຼື ອົງການຈັດຕັ້ງທີ່ແນະນໍາບຸກຄົນອື່ນ ຫຼື ອົງການຈັດຕັ້ງອື່ນໃຫ້ເກັບກໍາລວບລວມ, ຖືຄອງ, ປະມວນຜົນ, ນໍາໃຊ້, ໂອນ ຫຼື ເປີດເຜີຍຂໍ້ມູນສ່ວນບຸກຄົນໃນນາມຂອງຕົນ.

17. Processing ຫລື ການປະມວນຜົນ - ຫມາຍເຖິງການດໍາເນີນການ ຫຼື ຊຸດຂອງການປະຕິບັດງານໃດຫນຶ່ງທີ່ດຳເນີນການກັບຂໍ້ມູນສ່ວນບຸກຄົນ, ລວມທັງບໍ່ຈໍາກັດພຽງແຕ່ການເກັບກໍາລວບລວມ, ການບັນທຶກ, ການຈັດລະບຽບ, ການຈັດເກັບ, ການອັບເດດ ຫຼື ດັດແກ້, ການດິຶງກັບ, ການປຶກສາຫາລື, ການນໍາໃຊ້, ການຮວບຮວມ, ການບລັອກ, ການລົບ ຫຼື ທໍາລາຍ​ຂໍ້​ມູນ​.

18. Sensitive personal information ຫລື ຂໍ້​ມູນ​ສ່ວນບຸກຄົນ​ທີ່​ລະ​ອຽດ​ອ່ອນ - ຫມາຍ​ເຖິງ​ຂໍ້​ມູນ​ສ່ວນ​ບຸກ​ຄົນ​ຂອງ​ລູກ​ຄ້າ​, ຜູ້​ໃຊ້​ ຫຼື​ ຄູ່​ຮ່ວມ​ງານ​ທີ່​ຍິນ​ຍອມ​ໃຫ້ Maxim ​ເກັບ​ກໍາ​, ​ນໍາ​ໃຊ້​ ຫຼື​ ​ເປີດ​ເຜີຍ​ເຊິ່ງມີລາຍລະອຽດ​ດັ່ງ​ຕໍ່​ໄປ​ນີ້​:

A. ກ່ຽວກັບເຊື້ອຊາດຂອງບຸກຄົນ, ຊົນເຜົ່າ, ສະຖານະພາບການແຕ່ງງານ, ອາຍຸ, ສີຜິວ, ແລະ ສາດສະຫນາ, ລັດທິ, ວັດທະນະທໍາ, ຄວາມພິການ, ຂໍ້ມູນສະຫະພັນການຄ້າ, ຂໍ້ມູນພັນທຸກໍາ, ຂໍ້ມູນທາງຊີວະພາບທີ່ກ່ຽວຂ້ອງກັບດ້ານປັດຊະຍາ ຫຼື ທາງດ້ານການເມືອງ.

B. ກ່ຽວກັບສຸຂະພາບຂອງບຸກຄົນ, ການສຶກສາ, ພັນທຸກໍາ ຫຼື ຊີວິດທາງເພດຂອງບຸກຄົນ ຫຼື ການດໍາເນີນຄະດີໃດໆສໍາລັບການກະທໍາຜິດ ຫຼື ຖືກກ່າວຫາວ່າໄດ້ກະທໍາຜິດໂດຍບຸກຄົນດັ່ງກ່າວ, ການດໍາເນີນຄະດີ ຫຼື ການຕັດສິນຂອງສານໃດໆໃນການດໍາເນີນຄະດີດັ່ງກ່າວ.

C.ອອກໃຫ້ໂດຍອົງການຈັດຕັ້ງຂອງລັດສະເພາະບຸກຄົນລວມທັງບໍ່ຈໍາກັດພຽງແຕ່ຕົວເລກປະກັນສັງຄົມ, ບັນທຶກສຸຂະພາບທີ່ຜ່ານມາ ຫຼື ປັດຈຸບັນ, ໃບອະນຸຍາດ ຫຼື ການປະຕິເສດ, ການລະງັບ ຫຼື ຍົກເລີກ ແລະ ການຄືນພາສີ; ແລະ

D. ຂໍ້ມູນທາງດ້ານການເງິນ ແລະ ປະຫວັດຄະດີອາຍາຕາມທີ່ກົດໝາຍອະນຸຍາດ.

19. Information ຫລື ຂໍ້​ມູນ – ຫມາຍເຖິງ​ທັງ​ຂໍ້​ມູນ​ສ່ວນ​ບຸກ​ຄົນ​ ແລະ​ ຂໍ້ມູນທີ່ລະ​ອຽດ​ອ່ອນ​ຂອງ​ຜູ້​ໃຊ້.

20. Website ຫລື ເວັບໄຊທ໌ - ຫມາຍເຖິງຊຸດຊອບແວຄອມພິວເຕີ ແລະ ຂໍ້ມູນອື່ນໆທີ່ມີຢູ່ໃນລະບົບຂໍ້ມູນຂ່າວສານທີ່ສາມາດເຂົ້າເຖິງໄດ້ຜ່ານອິນເຕີເນັດໂດຍການໃສ່ຊື່ໂດເມນ ແລະ/ຫຼື ທີ່ຢູ່ເຄືອຂ່າຍ. ທີ່ຢູ່ເວັບໄຊທ໌ແມ່ນ: https://taximaxim.com.

21. ຖານຂໍ້ມູນ - ໝາຍເຖິງໂຄງສ້າງທີ່ມີການຈັດລະບຽບທັງທາງກາຍຍະພາບ ແລະ ເອເລັກໂຕຣນິກ, ປະກອບດ້ວຍຊຸດວັດສະດຸ, ສິ່ງອຳນວຍຄວາມສະດວກທາງດ້ານເຕັກນິກ, ຊອບແວ ແລະ ຮາດແວ, ພ້ອມທັງວິທີການ ແລະ ອັລກໍຣິທຶມ (algorithm) ຫຼື ລະຫັດໂປຣແກຣມທີ່ກໍານົດໄວ້ເພື່ອຈັດລະບົບ, ເກັບຮັກສາ, ປະມວນຜົນ ຫຼື ຫັນປ່ຽນຂໍ້ມູນໃຫ້ສອດຄ່ອງກັບອັລກໍຣິທຶມຂອງຖານຂໍ້ມູນ. ສາມາດເຂົ້າເຖິງຖານຂໍ້ມູນໄດ້ຜ່ານແອບພລິເຄຊັນ.

22. Cookies - ໝາຍເຖິງກຸ່ມຂອງຂໍ້ມູນທີ່ເກັບກຳຜ່ານການນຳໃຊ້ແອບພລິເຄຊັນ ເຊິ່ງຈະຖືກສົ່ງ ແລະ ເກັບໄວ້ໃນແພລດຟອມທີ່ຜູ້ໃຊ້ໃຊ້ເພື່ອເຂົ້າເຖິງແອບພລິເຄຊັນ. ສິ່ງດັ່ງກ່າວຈະຖືກນໍາໃຊ້ເພື່ອເກັບຮັກສາຂໍ້ມູນກ່ຽວກັບຜູ້ໃຊ້ລວມທັງຂໍ້ມູນກິດຈະກໍາຢູ່ໃນເວັບໄຊທ໌ ແລະ ຂໍ້ມູນອື່ນໆທີ່ໄດ້ມາໂດຍຜ່ານການນໍາໃຊ້ແອບພລິເຄຊັນ.

23. Geolocation - ຫມາຍເຖິງຂໍ້ມູນສະຖານທີ່ສະເພາະຂອງຜູ້ໃຊ້ທີ່ສະຫນອງໂດຍ GPS tracker ຂອງໂທລະສັບມືຖື ຫຼື ອຸປະກອນຂອງຜູ້ໃຊ້ໂດຍໃຫ້ຂໍ້ມູນຢ່າງເຕັມໃຈ ແລະ ສະຫມັກໃຈໂດຍຜູ້ໃຊ້.

ອີງຕາມກົດໝາຍຂອງ ສປປ ລາວ, ຜູ້ໃຊ້ຍິນຍອມໃຫ້ MAXIM ເກັບກຳຂໍ້ມູນສ່ວນຕົວ ຫຼື ຂໍ້ມູນທີ່ລະອຽດອ່ອນຈາກແຫຼ່ງອື່ນ, ນອກເໜືອຈາກຂໍ້ມູນຂອງເຈົ້າຂອງຂໍ້ມູນໂດຍກົງທີ່ມີຈຸດປະສົງ ແລະ ລາຍລະອຽດຕາມນະໂຍບາຍນີ້.

ນິຍາມທັງໝົດທີ່ລະບຸໄວ້ໃນກົດໝາຍຂອງ ສປປ ລາວ ແລະ ສັນຍາສະບັບນີ້ທີ່ບໍ່ໄດ້ກ່າວເຖິງສະເພາະໃນນີ້ຈະຖືກຮັບຮອງເອົາ ແລະ ຖືວ່າລວມຢູ່ໃນນີ້. ໃນກໍລະນີທີ່ນະໂຍບາຍໃດໆບໍ່ຖືກຕ້ອງຫຼື ເປັນໂມຄະເພາະວ່າມັນຜິດກົດຫມາຍ, ກົດຫມາຍຈະຖືກຖືເປັນເງື່ອນໄຂຂອງນະໂຍບາຍ, ແລະ ສ່ວນທີ່ເຫຼືອຂອງນະໂຍບາຍຄວາມເປັນສ່ວນຕົວນີ້ຈະຖືກຖືວ່າຖືກຕ້ອງ ແລະ ມີຜົນບັງຄັບໃຊ້ໄດ້.

ຂອບເຂດ ແລະ ຂໍ້ຈຳກັດ

MAXIM, ພະນັກງານ, ບຸກຄະລາກອນ, ຜູ້ຕາງຫນ້າ, ແລະ ພະນັກງານຂອງບໍລິສັດ ມີຫນ້າທີ່ຕ້ອງປະຕິບັດຕາມນະໂຍບາຍ, ຂໍ້ກໍານົດ ແລະ ຄໍາແນະນໍາທັງຫມົດ. ນອກຈາກນີ້, ຜູ້ໃຊ້ໄດ້ຖືກມອບຫມາຍໃຫ້ອ່ານ, ທຳຄວາມເຂົ້າໃຈນະໂຍບາຍເນື່ອງຈາກວ່າສິດ ແລະ ສິດທິຂອງເຂົາເຈົ້າໄດ້ຖືກຊີ້ບອກ ແລະ ລະບຸໄວ້ໃນນະໂຍບາຍນີ້.

ເປັນທີ່ເຂົ້າໃຈກັນວ່າ MAXIM, ຄູ່ຮ່ວມງານຂອງຕົນ ແລະ ຫນ່ວຍງານອື່ນໆທີ່ຈໍາເປັນສໍາລັບການໃຫ້ການບໍລິການມີຄວາມສຳພັນແບບຜູ້ຮັບເຫມົາອິດສະຫລະ. ດັ່ງນັ້ນ, ນະໂຍບາຍນີ້ຈະບໍ່ນໍາໃຊ້ກັບຄູ່ຮ່ວມງານເຫຼົ່ານີ້ ແລະ ຫນ່ວຍງານອື່ນໆ, ຂໍ້ມູນໃດໆທີ່ MAXIM ໄດ້ມອບໃຫ້ແກ່ຄູ່ຮ່ວມງານເຫຼົ່ານີ້ຕາມກົດຫມາຍຈະຕ້ອງຢູ່ພາຍໃຕ້ກົດລະບຽບ, ຂໍ້ກຳນົດ ແລະ ແນວທາງປະຕິບັດໃນການຈັດການຂໍ້ມູນທີ່ເຂົາເຈົ້າເກັບກໍາ, ຈັດເກັບ ແລະ ປະມວນຜົນ.

ການປະມວນຜົນຂໍ້ມູນສ່ວນຕົວ

MAXIM ໃຫ້ຄຸນຄ່າສິດທິຄວາມເປັນສ່ວນຕົວຂອງຜູ້ໃຊ້ຂອງຕົນ ແລະ ຮັບປະກັນວ່າຂໍ້ມູນຂອງຜູ້ໃຊ້ໄດ້ຖືກເກັບກຳ, ປະມວນຜົນ, ເກັບຮັກສາ ແລະ ລົບຖິ້ມຕາມລະບຽບກົດໝາຍ. ດັ່ງ​ນັ້ນ​, ເພື່ອສົ່ງເສີມຄວາມຊື່ສັດສຸດຈະລິດ​ ​ແລະ ​ເຜີຍແຜ່ນະ​ໂຍ​ບາຍ​​, ​ຂະ​ບວນ​ການລາບລື່ນ​ຂອງ​ຂໍ້​ມູນ​​ທີ່​ໄດ້​ເກັບ​ກໍາ​ໄວ້​ຈຶ່ງໄດ້ຖືກເປີດເຜີຍ. ເຊິ່ງຕໍ່ໄປນີ້ແມ່ນຂັ້ນຕອນ ແລະ ວົງຈອນຊີວິດຂອງຂໍ້ມູນທີ່ໄດ້ເກັບກຳມາຈາກຜູ້ໃຊ້:

I. ການເກັບກຳຂໍ້ມູນ

ເນື່ອງຈາກຕ້ອງອາໄສການເຄື່ອນໄຫວທາງອິນເຕີເນັດ, MAXIM ຈຶ່ງໄດ້ຮວບຮວມຂໍ້ມູນຂອງຜູ້ໃຊ້ຈາກແຫຼ່ງຕ່າງໆ. ແຫຼ່ງຂໍ້ມູນເຫຼົ່ານີ້ອາດຈະປະກອບມີ:

A. ການລົງທະບຽນໂດຍຜູ້ໃຊ້ທີ່ເປັນລູກຄ້າ

ເພື່ອໃຊ້ບໍລິການ, ຜູ້ໃຊ້ຈະຕ້ອງສ້າງໂປຣໄຟລ໌ ແລະ ລົງທະບຽນກັບແອັບພລິເຄຊັນ. ເຊິ່ງແອັບພລິເຄຊັນ​ຈະ​ຂໍ​ຂໍ້​ມູນ​​ຈາກ​ຜູ້​ໃຊ້​ດັ່ງ​ຕໍ່​ໄປ​ນີ້​:

 i. ຊື່ ແລະ ນາມສະກຸນ

 ii. ວັນເດືອນປີເກີດ ຫຼື ອາຍຸ

 iii. ເບີໂທລະສັບ

 iv. ທີ່ຢູ່ອີເມວ

 v. ເພດ

 vi. ທີ່ຢູ່

 vii. ຂໍ້ມູນຍານພາຫະນະ

 viii. ຂໍ້ມູນເພື່ອຢັ້ງຢືນຕົວຕົນຜ່ານສື່ຕ່າງໆ

 ix. ຂໍ້​ມູນ​ການ​ເຮັດ​ທຸ​ລະ​ກໍາ​ ຫຼື​ ຂໍ້ມູນທາງ​ດ້ານ​ການ​ເງິນ (ເຊັ່ນ ວິ​ທີ​ການ​ຊໍາ​ລະ​ເງິນ​, ເລກ​ບັດ​ເຄຣ​ດິດ​, ເລກ​ບັດ​ເດ​ບິດ​, ເລກ​ບັນ​ຊີ​, ຊື່​ບັນ​ຊີ​ ແລະ ​ອື່ນໆ​)

 x. ການລະບຸຮູບພາບ, ວິດີໂອ, ຫຼື ຄລິບສຽງ

 xi. ຂໍ້​ມູນ​ສ່ວນ​ບຸກຄົນອື່ນໆ​ທີ່​ກ່ຽວ​ຂ້ອງເຊິ່ງ​ລະ​ບຸ​ໄວ້​ໃນ​ການ​ລົງ​ທະ​ບຽນ​ຂອງ​ຜູ້​ໃຊ້​​

B. ການລົງທະບຽນໂດຍຜູ້ໃຊ້ເປັນຄູ່ຮ່ວມງານ

ຜູ້ໃຊ້ຈໍາເປັນຕ້ອງສົ່ງສໍາເນົາໃບຂັບຂີ່, ໃບຮັບເງິນຢ່າງເປັນທາງການ ແລະ ໃບຢັ້ງຢືນການລົງທະບຽນກັບ MAXIM ເພື່ອເລີ່ມຕົ້ນການເປັນຄູ່ຮ່ວມງານຂອງ MAXIM. ໂດຍທົ່ວໄປ, ເອກະສານດັ່ງກ່າວຈະມີຂໍ້ມູນສ່ວນບຸກຄົນທີ່ລະອຽດອ່ອນ ແລະ ຂໍ້ມູນທີ່ລະອຽດອ່ອນຂອງຄູ່ຮ່ວມງານທີ່ຈະໄດ້ຮັບການປະມວນຜົນ ແລະ ເພີ່ມລົງໃນຖານຂໍ້ມູນໃນພາຍຫລັງ.

C. ການໂຕ້ຕອບທາງສື່ສັງຄົມອອນໄລນ໌ ແລະ ການເຂົ້າຮ່ວມໃນກິດຈະກໍາທີ່ລິເລີ່ມໂດຍ MAXIM.

ຜູ້ໃຊ້ສາມາດໃຫ້ຂໍ້ມູນສ່ວນບຸກຄົນກັບ MAXIM ໂດຍຜ່ານການໂຕ້ຕອບກັບ MAXIM ໃນຫຼາຍແພລດຟອມສື່ສັງຄົມອອນໄລນ໌ເຊິ່ງບໍ່ຈໍາກັດພຽງແຕ່ Facebook, Instagram ຫຼື Tiktok. ໂດຍຜ່ານການໂຕ້ຕອບດັ່ງກ່າວ, MAXIM ຈະສາມາດໄດ້ຮັບ ແລະ ຈັດເກັບຂໍ້ມູນສ່ວນບຸກຄົນຂອງຜູ້ໃຊ້ທີ່ເປີດເຜີຍຕໍ່ສາທາລະນະໂດຍແພລດຟອມສື່ສັງຄົມອອນໄລເຫຼົ່ານີ້ໄດ້.

ນອກຈາກນັ້ນ, ໂດຍການເຂົ້າຮ່ວມໃນກິດຈະກໍາທີ່ສະຫນັບສະຫນູນ ຫຼື ຈັດຂຶ້ນໂດຍ MAXIM ຮູບພາບ, ວິດີໂອ ແລະ ຂໍ້ມູນການລະບຸຕົວຕົນອື່ນໆທີ່ຖືກສົ່ງໄປຫາ MAXIM, ຜູ້ໃຊ້ແມ່ນສະຫມັກໃຈໃຫ້ຂໍ້ມູນກັບ MAXIM ເຊິ່ງໄດ້ຖືກປະມວນຜົນ ແລະ ຈັດເກັບໄວ້ໂດຍ MAXIM ໃນເວລາຕໍ່ມາ.

D. ຈຸດປະສົງທາງກົດໝາຍ

ຜູ້​ໃຊ້​ອາດ​ຈະ​ໄດ້​ຮັບ​ການ​ບັງ​ຄັບ​ໃຫ້ມອບ​ຂໍ້​ມູນໃຫ້​ກັບ MAXIM ສໍາ​ລັບ​ຈຸດ​ປະ​ສົງ​ທາງ​ດ້ານ​ກົດ​ຫມາຍ​ດັ່ງ​ຕໍ່​ໄປ​ນີ້​:

i. ສໍາລັບການປະຕິບັດຕາມຄໍາສັ່ງຂອງສານປະຊາຊົນຂອງກົດຫມາຍ ຫຼື ອໍານາດການປົກຄອງຂອງລັດອື່ນໆ;

ii. ສໍາລັບການປະຕິບັດຕາມພັນທະພາຍໃຕ້ພັນທະສັນຍາທີ່ເຈົ້າຂອງຂໍ້ມູນສ່ວນບຸກຄົນເປັນຄູ່ສັນຍາ ຫຼື ປະຕິບັດຕາມການຮ້ອງຂໍຂອງເຈົ້າຂອງຂໍ້ມູນສ່ວນບຸກຄົນກ່ອນເຮັດສັນຍາ.

iii. ເພື່ອປ້ອງກັນ ຫຼື ສະກັດກັ້ນອັນຕະລາຍຕໍ່ຊີວິດ, ຮ່າງກາຍ ຫຼື ສຸຂະພາບຂອງບຸກຄົນໃດຫນຶ່ງ.

iv. ເມື່ອການປະມວນຜົນຂໍ້ມູນດັ່ງກ່າວມີຄວາມຈໍາເປັນເພື່ອຈຸດປະສົງຂອງຜົນປະໂຫຍດອັນຊອບທໍາຂອງ MAXIM ຫຼື ຄູ່ຮ່ວມງານ.

ໃນກໍລະນີດັ່ງກ່າວ, MAXIM ສະຫງວນສິດທີ່ຈະເກັບກໍາ, ປະມວນຜົນ ແລະ ເກັບຮັກສາຂໍ້ມູນໃດໆຂອງຜູ້ໃຊ້ໂດຍບໍ່ຈໍາເປັນຕ້ອງໄດ້ຮັບການຍິນຍອມເຫັນດີຈາກຜູ້ໃຊ້ ຕາມກົດຫມາຍຂອງ ສປປ ລາວ.

E. ການນໍາໃຊ້ແອັບພລິເຄຊັນ

ເມື່ອຜູ້ໃຊ້ໃຊ້ແອັບພລິເຄຊັນເພື່ອຮ້ອງຂໍອໍເດີ້ ຫຼື ປະຕິບັດຕາມອໍເດີ້, MAXIM ຈະຕ້ອງດຶງຂໍ້ມູນຈາກຜູ້ໃຊ້ເພື່ອປະຕິບັດການບໍລິການທີ່ຈຳເປັນຕ້ອງດຳເນີນການຢ່າງຖືກຕ້ອງ. ໃນລັກສະນະດຽວກັນນີ້, MAXIM ອາດຈະລວມເອົາຄວາມສາມາດໃນການບັນທຶກໃນແອັບພລິເຄຊັນເພື່ອຮັບປະກັນຄວາມປອດໄພ ແລະ ສະຫວັດດີການຂອງຜູ້ໃຊ້. ຂໍ້ມູນທີ່ເກັບກໍາໄດ້ຈະປະກອບມີ:

 i. ຊື່ ແລະ ນາມສະກຸນ

 ii. ທີ່ຕັ້ງທາງພູມສາດ

 iii. ຂໍ້ມູນຍານພາຫະນະ

 iv. ເບີໂທລະສັບ

 v. ລາຍລະອຽດຂອງອໍເດີ້

 vi. ການລະບຸຮູບພາບ, ວິດີໂອ ຫຼື ຄລິບສຽງ

 vii. ຂໍ້​ມູນ​ອື່ນໆ​ທີ່​ສະ​ຫນອງ​ໃຫ້​ກັບ​ຜູ້​ຊົມ​ໃຊ້​ກ່ຽວ​ກັບອໍເດີ້

ແອັບພລິເຄຊັນຍັງໃຊ້ Cookies ທີ່ແຕກຕ່າງກັນເພື່ອສົ່ງຂໍ້ມູນຂອງຜູ້ໃຊ້ໄປຫາຖານຂໍ້ມູນຂອງ MAXIM. ໂດຍຜ່ານວິທີການນີ້, ຜູ້ໃຊ້ຍັງໃຫ້ຂໍ້ມູນເພີ່ມເຕີມກ່ຽວກັບຕົນເອງແກ່ MAXIM ດ້ວຍ.

F. ອື່ນໆ

ຂໍ້ມູນສ່ວນບຸກຄົນຂອງຜູ້ເຍົາ

ໃນກໍລະນີທີ່ຂໍ້ມູນສ່ວນບຸກຄົນຂອງຜູ້ເຍົາພາຍໃຕ້ກົດໝາຍແພ່ງ ແລະ ກົດຫມາຍການຄ້າໄດ້ຖືກເປີດເຜີຍຕໍ່ MAXIM, ແມ່ນຈະຕ້ອງຖືວ່າພໍ່ແມ່ ຫຼື ຜູ້ປົກຄອງໄດ້ຍິນຍອມໃຫ້ດຳເນີນການການປະມວນຜົນຂໍ້ມູນສ່ວນບຸກຄົນຂອງຜູ້ເຍົານັ້ນ, ເຊິ່ງໄດ້ຍອມຮັບ ແລະ ຕົກລົງທີ່ຈະຜູກມັດຕາມນະໂຍບາຍນີ້ ແລະ ຮັບຜິດຊອບຕໍ່ການກະທໍາຂອງຜູ້ເຍົາ.

II. ການນໍາໃຊ້ຂໍ້ມູນ

ຕາມຫຼັກການແລ້ວ, MAXIM ຈະນຳໃຊ້ຂໍ້ມູນທີ່ເກັບກຳມາເພື່ອຈຸດປະສົງທາງກົດໝາຍເທົ່ານັ້ນ. ດັ່ງນັ້ນ, MAXIM ຈະນໍາໃຊ້, ປະມວນຜົນ ແລະ ລວບລວມຂໍ້ມູນຂອງທ່ານໂດຍຜ່ານລະບົບຂໍ້ມູນຂ່າວສານ ແລະການສື່ສານຂອງ MAXIM ສໍາລັບເຫດຜົນດັ່ງຕໍ່ໄປນີ້:

A. ການດຳເນີນການໃຫ້ບໍລິການ

ເພື່ອໃຫ້ບໍລິການຜູ້ທີ່ສະໝັກໃຊ້ ແລະ ໃຊ້ງານ, MAXIM ຈະຕ້ອງໃຊ້ຂໍ້ມູນຂອງເຂົາເຈົ້າເພື່ອ:

 i. ສ້າງ ແລະ ອັບເດດບັນຊີສ່ວນບຸກຄົນ ແລະ ໂປຣໄຟລ໌ຂອງຜູ້ໃຊ້;

 ii. ອະນຸຍາດໃຫ້ຄູ່ຮ່ວມງານ ຍອມຮັບ ແລະ ດຳເນີນການຕາມອໍເດີ້ໃຫ້ສຳເລັດ;

 iii. ສົ່ງຂໍ້ມູນທີ່ກ່ຽວຂ້ອງ ແລະ ຈຳເປັນຂອງຜູ້ໃຊ້ໄປຫາຜູ້ໃຊ້ອື່ນ;

 iv. ກວດສອບຂໍ້ມູນທີ່ສະໜອງໃຫ້ໂດຍຜູ້ໃຊ້;

 v. ອັບເດດ ແລະ ສະແດງຂໍ້ມູນທີ່ຈຳເປັນໃນໂປຣໄຟລ໌ຂອງຜູ້ໃຊ້;

 vi. ເຮັດໃຫ້ການນໍາໃຊ້ແອັບພລິເຄຊັນຂອງຜູ້ໃຊ້ເປັນໄປຢ່າງອັດຕະໂນມັດ ໂດຍການໃຫ້ລາຍລະອຽດໂດຍອັດຕະໂນມັດກັບແອັບພລິເຄຊັນເມື່ອຈຳເປັນຕ້ອງຕື່ມແບບຟອມ;

 vii. ການເກັບຮັກສາທຸລະກໍາທີ່ຜ່ານມາ ຫຼື ອໍເດີ້ຂອງຜູ້ໃຊ້ ແລະ ການແກ້ໄຂແອັບພລິເຄຊັນເພື່ອສະແດງອໍເດີ້ທີ່ຜ່ານມາ ຫຼື ອໍເດີ້ທີ່ຄ້າຍຄືກັນອື່ນໆທີ່ຜູ້ໃຊ້ອາດຈະສົນໃຈຕາມທີ່ MAXIM ກໍານົດ;

 viii. ຕິດຕາມກວດກາຄວາມຄືບຫນ້າຂອງການດຳເນີນການອໍເດີ້ໃຫ້ສຳເລັດ;

 ix. ກໍານົດຈໍານວນ ຫຼື ຄ່າທໍານຽມທີ່ເຫມາະສົມສໍາລັບອໍເດີ້;

 x. ກວດສອບຄວາມເປັນໄປໄດ້ຂອງການດຳເນີນການອໍເດີ້ໃຫ້ສຳເລັດໂດຍອີງຕາມຂໍ້ມູນ;

 xi. ສົ່ງຂໍ້ມູນຂອງຜູ້ໃຊ້ໄປຫາຄູ່ຮ່ວມງານທີ່ມີຄວາມສາມາດໃນການດໍາເນີນການອໍເດີ້ໃຫ້ສໍາເລັດຕາມທີ່ MAXIM ກໍານົດ;

 xii. ກໍານົດຄະແນນຂອງຜູ້ໃຊ້ໂດຍອີງໃສ່ຂໍ້ມູນທີ່ສະຫນອງໃຫ້;

 xiii. ປັບຄວາມຖີ່ ແລະ ລຳດັບຄວາມສຳຄັນຂອງອໍເດີ້;

 xiv. ສະໜອງວິທີການສື່ສານລະຫວ່າງລູກຄ້າ ແລະ ຄູ່ຮ່ວມງານ;

 xv. ກວດສອບສິດຂອງຜູ້ໃຊ້ຕໍ່ກັບໂປຣໂມຊັນ, ສິດທິປະໂຫຍດ ຫຼື ລາງວັນທີ່ສະເໜີໃຫ້ໂດຍ MAXIM;

 xvi. ດໍາເນີນການສືບສວນ ແລະ ການປະເມີນຄວາມສ່ຽງ;

 xvii ການຄວບຄຸມພາຍໃນ ແລະ ຄວາມປອດໄພ;

 xviii. ຮັບປະກັນຄວາມປອດໄພຂອງຜູ້ໃຊ້, ຍານພາຫະນະ ຫຼື ອຸປະກອນຂອງເຂົາເຈົ້າຕາມກໍລະນີ ໃນຂະນະທີ່ນໍາໃຊ້ແອັບພລິເຄຊັນ ແລະ ບໍລິການ;

 xix. ຕິດ​ຕາມ​ກວດ​ກາ​ ແລະ ​ແກ້​ໄຂ​ບັນ​ຫາ​ພາຍ​ໃນ​ ຫຼື​ ຄວາມ​ຜິດ​ພາດ​ຂອງແອັບພລິເຄຊັນ;​

 xx. ໜ້າທີ່ ແລະ ຄວາມຮັບຜິດຊອບອື່ນໆ ໃນຖານະຜູ້ຄວບຄຸມຂໍ້ມູນສ່ວນຕົວ ທີ່ພິຈາລະນາພາຍໃຕ້ກົດໝາຍຂອງ ສປປ ລາວ.

B. ມາດຕະການຮັກສາຄວາມປອດໄພ

ເພື່ອຮັບປະກັນຄວາມປອດໄພຂອງຜູ້ໃຊ້ທັງໝົດໃນຂະນະທີ່ໃຊ້ແອັບພລິເຄຊັນ, MAXIM ອາດຈະໃຊ້ຂໍ້ມູນໃນລັກສະນະຕໍ່ໄປນີ້:

 i. ຢືນຢັນຕົວຕົນຂອງຜູ້ໃຊ້ເມື່ອເຂົ້າສູ່ລະບົບແອັບພລິເຄຊັນ;

 ii. ການກວດສອບຄວາມສາມາດເຮັດວຽກ, ຄວາມສາມາດ ແລະ ຕົວຕົນຂອງຄູ່ຮ່ວມງານກ່ອນທີ່ຈະອະນຸຍາດໃຫ້ເຂົ້າເຖິງແອັບພລິເຄຊັນເປັນຄູ່ຮ່ວມງານ;

 iii. ກວດ​ກວດສອບ​ການ​ສໍ້​ໂກງ​ການ​ເຮັດ​ທຸ​ລະ​ກໍາ​ ຫຼື ການ​ບິດເບືອນຄວາມເປັນຈິງທີ່ຜູ້​ໃຊ້ໄດ້ເຮັດ ​ແລະ ​ຕັກເຕືອນພຶດ​ຕິ​ກໍາ​ດັ່ງ​ກ່າວໃນພາຍຫລັງ;

 iv. ການຕິດຕາມການລະເມີດທີ່ເກີດຈາກຜູ້ໃຊ້ງານ;

 v. ການປ້ອງກັນ ແລະ ດຳເນີນຄະດີອາຊະຍາກຳ ຫຼື ການກະທຳຜິດທີ່ເກີດຈາກຜູ້ໃຊ້ງານ;

 vi. ການນໍາໃຊ້ອື່ນໆເພື່ອຮັບປະກັນຄວາມປອດໄພຂອງຜູ້ໃຊ້ຕາມທີ່ MAXIM ໄດ້ກໍານົດ;

C. ຄໍາຕິຊົມ ແລະ ການສະຫນັບສະຫນູນ

MAXIM ອາດຈະໃຊ້ຂໍ້ມູນທີ່ມີໃຫ້ເພື່ອໃຫ້ການສະຫນັບສະຫນູນ ແລະ ການຊ່ວຍເຫຼືອແກ່ຜູ້ໃຊ້ກ່ຽວກັບຄວາມກັງວົນ ແລະ ຄໍາຖາມຂອງພວກເຂົາ. MAXIM ຍັງອາດຈະໃຊ້ຂໍ້ມູນນີ້ເພື່ອແກ້ໄຂບັນຫາທີ່ຜູ້ໃຊ້ອາດຈະມີກ່ຽວກັບແອັບພລິເຄຊັນ, ອໍເດີ້, ຄູ່ຮ່ວມງານ ຫຼື ຄວາມກັງວົນອື່ນໆທີ່ກ່ຽວຂ້ອງກັບ MAXIM.

D. ຈຸດປະສົງການຕະຫຼາດ

MAXIM ອາດຈະໃຊ້ຂໍ້ມູນເພື່ອໂປຣໂຫມດຜະລິດຕະພັນໃຫມ່, ໂປຣໂມຊັນ, ການອັບເດດ ຫຼື ການບໍລິການທີ່ນຳສະເໜີໃຫ້ຜູ້ໃຊ້. ນອກຈາກນີ້, MAXIM ຍັງອາດຈະຈັດການ ແລະ ກໍານົດສິດໄດ້ຮັບໂປຣໂມຊັນເຫຼົ່ານີ້ຂອງຜູ້ໃຊ້.

ຜູ້ໃຊ້ອາດຈະໄດ້ຮັບອີເມລ໌ ຫຼື ການແຈ້ງເຕືອນໃນແອັບພລິເຄຊັນ ຫຼື ແພລດຟອມການສື່ສານອື່ນໆກ່ຽວກັບໂປຣໂມຊັ່ນ ຫຼື ສະເຫນີການບໍລິການ ແລະ ສາມາດຍົກເລີກການຮັບຂໍ້ມູນເຫຼົ່ານີ້ໂດຍການປະຕິບັດຕາມຄໍາແນະນໍາທີ່ມີຢູ່ໃນອີເມວ ຫຼື ການແຈ້ງເຕືອນດັ່ງກ່າວ.

E. ກົດໝາຍ

ຄ້າຍຄືກັນກັບສິ່ງທີ່ກ່າວໄວ້ຂ້າງເທິງ, MAXIM ຈະໃຊ້ຂໍ້ມູນເພື່ອຈຸດປະສົງດັ່ງຕໍ່ໄປນີ້:

i. ເພື່ອປະຕິບັດຕາມຄໍາສັ່ງຂອງສານປະຊາຊົນຂອງກົດຫມາຍ ຫຼື ອໍານາດການປົກຄອງຂອງລັດອື່ນໆ;

ii. ສໍາລັບການປະຕິບັດ ແລະ ການປະຕິບັດພັນທະຕາມພັນທະສັນຍາ;

iii. ເມື່ອການປະມວນຜົນຂໍ້ມູນແມ່ນມີຄວາມຈໍາເປັນເພື່ອປົກປ້ອງຜົນປະໂຫຍດທີ່ສໍາຄັນຂອງຜູ້ໃຊ້; ຫຼື

iv. ເມື່ອການປະມວນຜົນຂໍ້ມູນດັ່ງກ່າວມີຄວາມຈໍາເປັນເພື່ອຈຸດປະສົງຂອງຜົນປະໂຫຍດອັນຊອບທໍາຂອງ MAXIM ຫຼື ຄູ່ຮ່ວມງານຂອງ.

v. ເພື່ອປ້ອງກັນ ຫຼື ສະກັດກັ້ນອັນຕະລາຍຕໍ່ຊີວິດ, ຮ່າງກາຍ ຫຼື ສຸຂະພາບຂອງບຸກຄົນ.

ນອກຈາກນັ້ນ, MAXIM ຍັງມີສິດທີ່ຈະນໍາໃຊ້ຂໍ້ມູນເພື່ອກວດສອບ ແລະ ແກ້ໄຂຂໍ້ຂັດແຍ່ງ, ການຮຽກຮ້ອງ ແລະ ການຂັດແຍ່ງລະຫວ່າງຜູ້ໃຊ້, ກໍານົດການລົງໂທດ ຫຼື ແນວທາງການແກ້ໄຂທີ່ເຫມາະສົມທີ່ຈະບັງຄັບໃຊ້ຕາມທີ່ກົດຫມາຍອະນຸຍາດ.

MAXIM ຍັງມີສິດທີ່ຖືກຕ້ອງຕາມກົດໝາຍທີ່ຈະນໍາໃຊ້ຂໍ້ມູນເພື່ອກວດສອບ ແລະ ກໍານົດການມີຢູ່ຂອງການສໍ້ໂກງ ຫຼື ອາດຊະຍາກໍາອື່ນໆທີ່ຕ້ອງຮັບໂທດຕາມກົດໝາຍ. ນອກຈາກນັ້ນ, MAXIM ອາດຈະໃຊ້ຂໍ້ມູນເພື່ອຈຸດປະສົງທາງກົດໝາຍອັນໃດກໍ່ຕາມທີ່ມັນອາດຈະລວມເຖິງແຕ່ບໍ່ຈໍາກັດພຽງແຕ່ການລວມຕົວຂອງບໍລິສັດ, ການຊື້ກິດຈະການ, ການຮ່ວມທຸລະກິດ ແລະ ການຂາຍຊັບສິນຂອງບໍລິສັດບາງສ່ວນ ຫຼື ທັງໝົດ.

ເຖິງຢ່າງໃດກໍຕາມ, ກົດລະບຽບດ້ານການສື່ສານທີ່ໄດ້ຮັບສິດທິພິເສດຍັງຄົງຕ້ອງປະຕິບັດຕາມ.

III. ການຈັດເກັບ, ການເກັບຮັກສາ, ແລະ ການປົກປ້ອງຂໍ້ມູນ

ເມື່ອເກັບກໍາຂໍ້ມູນແລ້ວ, ຂໍ້ມູນຈະຖືກຈັດເກັບ ແລະ ຮັກສາໄວ້ໃນຖານຂໍ້ມູນເອເລັກໂຕຣນິກທີ່ລໍຖ້າການປະມວນຜົນໂດຍລະບົບຂໍ້ມູນຂ່າວສານ ແລະ ການສື່ສານອັດຕະໂນມັດຂອງ MAXIM.

ຕາມກົດໝາຍຂອງ ສປປ ລາວ, MAXIM ຈະເກັບຮັກສາຂໍ້ມູນໄວ້ດົນເທົ່າທີ່ຈຳເປັນເພື່ອໃຫ້ບັນລຸເປົ້າໝາຍໃນການຮວບຮວມຂໍ້ມູນ ຫຼື ເພື່ອສ້າງຕັ້ງ, ນຳໃຊ້ ຫຼື ການປ້ອງກັນສິດທິທາງກົດໝາຍ ຫຼື ເພື່ອຈຸດປະສົງທາງທຸລະກິດທີ່ຖືກຕ້ອງຕາມກົດໝາຍ ຫຼື ຕາມທີ່ກົດຫມາຍກຳນົດ. ການຮວບຮວມຂໍ້ມູນສ່ວນບຸກຄົນຈະຖືກຮັກສາໄວ້ຈົນກວ່າການສະໝັກໃຊ້ Maxim ໄດ້ສິ້ນສຸດລົງ. Maxim ຈະຮັກສາຂໍ້ມູນໄວ້ເປັນໄລຍະເວລາຫນຶ່ງທີ່ຄາດວ່າຈະສອດຄ່ອງກັບມາດຕະຖານການເກັບກໍາຂໍ້ມູນທົ່ວໄປ.

ເນື່ອງຈາກ MAXIM ໃຫ້ຄວາມສຳຄັນກັບການຮັກສາຄວາມປອດໄພ ແລະ ຄວາມຫມັ່ນຄົງຂອງຂໍ້ມູນເປັນຫລັກ, MAXIM ຈະຕ້ອງດໍາເນີນການຕາມຂັ້ນຕອນທີ່ຈໍາເປັນຕາມກົດໝາຍ ເພື່ອຮັບປະກັນວ່າຂໍ້ມູນດັ່ງກ່າວຈະບໍ່ຖືກແບ່ງປັນ, ຈັດເກັບ, ນຳໃຊ້, ລົບລ້າງ, ຍ້າຍອອກ, ປະມວນຜົນ ຫຼື ເປີດເຜີຍໃຫ້ຜູ້ອື່ນແບບບໍ່ຖືກຕ້ອງ ໂດຍບໍ່ມີການຍິນຍອມຂອງຜູ້ໃຊ້ ຫຼື ບໍ່ເປັນໄປຕາມພື້ນຖານທາງດ້ານກົດຫມາຍໃດໆ.

ບຸກຄະລາກອນ, ພະນັກງານ ຫຼື ບຸກຄົນທີ່ຖືກມອບໝາຍໃຫ້ຈັດການຂໍ້ມູນຂ່າວສານທັງໝົດ ຈະຕ້ອງຮັກສາຂໍ້ມູນດັ່ງກ່າວໄວ້ເປັນຄວາມລັບ ແລະ ໄວ້ວາງໃຈໄດ້, ການເຂົ້າເຖິງຂໍ້ມູນດັ່ງກ່າວຖືກຈຳກັດ ແລະ ຄວບຄຸມໂດຍ MAXIM. ຖານຂໍ້ມູນໄດ້ຖືກປົກປ້ອງໂດຍໂປຣໂຕຄອນດ້ານຄວາມປອດໄພ, ມາດຕະການຄວບຄຸມພາຍໃນ, ກົນໄກທາງດ້ານເຕັກນິກ ແລະ ອົງການຈັດຕັ້ງເພື່ອຫຼີກລ່ຽງ ແລະ ປ້ອງກັນການລະເມີດຂໍ້ມູນໂດຍ MAXIM ຫຼື ພະນັກງານ. ບາງໂປຣໂຕຄອນ ແລະ ມາດຕະການຄວາມປອດໄພມີດັ່ງນີ້: 

A. ລະບຸໄພຄຸກຄາມດ້ານຄວາມປອດໄພໃນລະບົບໃນຂະນະທີ່ປະມວນຜົນຂໍ້ມູນສ່ວນຕົວ;

B. ດຳເນີນການ, ຈ້າງງານ ຫຼື ຕິດຕັ້ງລະບົບຮັກສາຄວາມປອດໄພສໍາລັບສະຖານທີ່ທີ່ເກັບ ແລະ ຮັກສາຖານຂໍ້ມູນ;

C. ສະຫນອງການຈັດເກັບ ແລະ ຫນ່ວຍຄວາມຈໍາທີ່ພຽງພໍເພື່ອການເຮັດວຽກທີ່ມີປະສິດທິພາບຂອງຖານຂໍ້ມູນ;

D. ປະເມີນມາດຕະການທີ່ໃຊ້ໃນປະຈຸບັນ ແລະ ທຳການປັບປ່ຽນຕາມຄວາມຈຳເປັນພາຍຫຼັງການປະເມີນດັ່ງກ່າວ;

E. ກວດຈັບການເຂົ້າເຖິງຂໍ້ມູນທີ່ບໍ່ໄດ້ຮັບອະນຸຍາດໃຫ້ໄວທີ່ສຸດເທົ່າທີ່ຈະໄວໄດ້;

F. ໃຊ້ຄວາມພະຍາຍາມ​ທີ່​ຈຳ​ເປັນ​ເພື່ອ​ກູ້​ຄືນ​ຂໍ້​ມູນ​ໃດໆ​ທີ່​ຖືກ​ລົບ​ໄປ ຫຼື​ ຖືກ​ທຳລາຍ​ຍ້ອນ​ການ​ເຂົ້າ​ເຖິງ​ທີ່​ບໍ່​ໄດ້​ຮັບ​ອະ​ນຸ​ຍາດ.

ຢ່າງໃດກໍ່ຕາມ, ນະໂຍບາຍນີ້ບໍ່ໄດ້ໃຊ້ເປັນການຮັບປະກັນ ຫຼື ການຮັບປະກັນຄວາມປອດໄພຂອງຂໍ້ມູນຈາກການນໍາໃຊ້ ຫຼື ການເປີດເຜີຍທີ່ບໍ່ໄດ້ຮັບອະນຸຍາດ. ຍ້ອນວ່າການລົງທະບຽນ ແລະ ການສະຫນອງຂໍ້ມູນແມ່ນເຮັດດ້ວຍເອເລັກໂຕຣນິກ, ຜູ້ໃຊ້ໄດ້ຖືກເຕືອນລ່ວງໜ້າກ່ຽວກັບອັນຕະລາຍຂອງມັນ ແລະ ຕ້ອງຮັບຜິດຊອບຄວາມສ່ຽງຕໍ່ເຫດການທີ່ບໍ່ຕ້ອງການໃຫ້ເກີດຂຶ້ນດັ່ງກ່າວດ້ວຍຕົນເອງ.

IV. ການເປີດເຜີຍຂໍ້ມູນ

​ບໍ​ລິ​ການ​ຂອງ MAXIM ກ່ຽວຂ້ອງກັບການ​ສົ່ງ​ຂໍ້​ມູນ​ໃຫ້ຜູ້​ໃຊ້ ​ຫຼື​ ຄູ່​ຮ່ວມ​ງານ​ອື່ນ​, ຕາມ​ກໍ​ລະ​ນີ​ທີ່​ອາດ​ຈະ​ເປັນ​. ຢ່າງໃດກໍ່ຕາມ, ຂໍ້ມູນຂອງຜູ້ໃຊ້ອາດຈະຖືກເປີດເຜີຍໃຫ້ບຸກຄົນ ຫຼື ໜ່ວຍງານອື່ນເພື່ອການປະຕິບັດຕາມພັນທະທີ່ໄດ້ພິຈາລະນາພາຍໃຕ້ຂໍ້ຕົກລົງ. ການເປີດເຜີຍອາດຈະຖືກເປີດເຜີຍຕໍ່ໜ່ວຍງານຕໍ່ໄປນີ້:

A. MAXIM

ເພື່ອໃຫ້ການບໍລິການມີປະສິດທິພາບ, ບໍລິສັດ ແມັກຊິມ ລາວ ຈໍາກັດ ໄດ້ແບ່ງປັນຂໍ້ມູນຂ່າວສານຂອງຕົນໃຫ້ແກ່ສາຂາ, ຄູ່ຮ່ວມງານ, ບໍລິສັດຍ່ອຍ, ພະນັກງານ ແລະ ອົງການຈັດຕັ້ງອື່ນໆທີ່ກ່ຽວຂ້ອງກັບບໍລິສັດ ແມັກຊິມ ລາວ ຈໍາກັດ.

B. ຄູ່ຮ່ວມງານຫຼືຜູ້ໃຊ້ອື່ນໆ

ດັ່ງທີ່ໄດ້ກ່າວໄວ້ຂ້າງເທິງ, ເພື່ອດຳເນີນການອໍເດີ້ຂອງຜູ້ໃຊ້ໃຫ້ສຳເລັດ, ຕ້ອງໄດ້ເປີດເຜີຍຂໍ້ມູນຈໍານວນຫນຶ່ງໃຫ້ຄູ່ຮ່ວມງານ ຫຼື ຜູ້ໃຊ້ທີ່ກ່ຽວຂ້ອງກັບການດຳເນີນການອໍເດີ້ໃຫ້ສຳເລັດ. ຂໍ້​ມູນ​ເຊັ່ນ​ ຊື່​ຜູ້​ໃຊ້, ຕຳແຫນ່ງທີ່ຕັ້ງ ແລະ​ ເບີ​ຕິດ​ຕໍ່​ທີ່​ອາດ​ຈະ​ຖືກເປີດເຜີຍ​ໃຫ້​ກັບ​ບຸກ​ຄົນ​ເຫຼົ່າ​ນີ້​ເພື່ອໃຫ້ການດຳເນີນການອໍເດີ້ສຳເລັດ ແລະ​ ມີປະ​ສິດ​ທິ​ພາບ​.

C. ຜູ້ໃຫ້ບໍລິການ, ບຸກຄົນທີ່ສາມອື່ນໆທີ່ກ່ຽວຂ້ອງກັບການບໍລິການ, ອົງການລັດຖະບານ ແລະ ອຳນາດການປົກຄອງ.

ເພື່ອປັບປຸງປະສິດທິພາບຂອງການບໍລິການໃຫ້ດີຍິ່ງຂຶ້ນ, MAXIM ອາດເປີດເຜີຍຂໍ້ມູນຂອງທ່ານໃຫ້ກັບໜ່ວຍງານອື່ນເຊັ່ນ: ຜູ້ໃຫ້ບໍລິການ, ບຸກຄົນທີສາມທີ່ເຮັດການຕະຫລາດ ແລະ ຄູ່ຮ່ວມງານບໍລິການອື່ນໆທີ່ຈໍາເປັນສໍາລັບການດຳເນີນການໃຫ້ບໍລິການ, ຜູ້ປະມວນຜົນການຊຳລະເງິນ, ຄູ່ຮ່ວມມືທາງການຕະຫຼາດ, ບໍລິສັດທີ່ປຶກສາທາງດ້ານກົດໝາຍ ແລະ ການບັນຊີ, ແລະ ໜ່ວຍງານອື່ນໆທີ່ກ່ຽວຂ້ອງກັບການບໍລິການ.

MAXIM ແລະ ໜ່ວຍງານເຫຼົ່ານີ້ໄດ້ຮັບການວ່າຈ້າງໃນຖານະຜູ້ຮັບເໝົາອິດສະຫລະ. ດັ່ງນັ້ນ, ຂໍ້ມູນທີ່ຖືກຕ້ອງຕາມກົດໝາຍ ແລະ ໄດ້ສະໜອງໃຫ້ເຂົາເຈົ້າຢ່າງຖືກກົດໝາຍຈະຢູ່ເຫນືອເກີນຂອບເຂດຂອງນະໂຍບາຍນີ້ເມື່ອໜ່ວຍງານເຫຼົ່ານີ້ໄດ້ຮັບ ແລະ ປະມວນຜົນແລ້ວ, ຈະຕ້ອງປະຕິບັດຕາມນະໂຍບາຍຄວາມເປັນສ່ວນຕົວຂອງຂໍ້ມູນເຂົາເຈົ້າ.

ເຊັ່ນດຽວກັບເຫດຜົນທີ່ລະບຸໄວ້ຂ້າງເທິງ, MAXIM ອາດຈະເປີດເຜີຍຂໍ້ມູນໃຫ້ໜ່ວຍງານລັດຖະບານ ຫຼື ອຳນາດການປົກຄອງດ້ວຍເຫດຜົນຕໍ່ໄປນີ້:

 i. ສໍາລັບການປະຕິບັດຕາມຄໍາສັ່ງຂອງສານປະຊາຊົນຂອງກົດຫມາຍ ຫຼື ອໍານາດການປົກຄອງຂອງລັດອື່ນໆ;

 ii. ເພື່ອການປະຕິບັດ ແລະ ປະຕິບັດພັນທະຕາມພັນທະສັນຍາ;

 iii. ໃນ​ເວ​ລາ​ການປະມວນຜົນ​ຂໍ້​ມູນ​ແມ່ນມີຄວາມ​ຈໍາ​ເປັນ​ເພື່ອ​ປົກ​ປັກ​ຮັກ​ສາ​ຜົນ​ປະ​ໂຫຍດ​ທີ່​ສໍາ​ຄັນ​ຂອງ​ຜູ້​ໃຊ້​ຫຼື;​

 iv. ເມື່ອການປະມວນຜົນຂໍ້ມູນດັ່ງກ່າວມີຄວາມຈໍາເປັນເພື່ອຈຸດປະສົງຂອງຜົນປະໂຫຍດອັນຊອບທໍາຂອງ MAXIM ຫຼື ຄູ່ຮ່ວມງານຂອງຕົນ.

V. ການລົບຂໍ້ມູນ

ເມື່ອຂໍ້ມູນທີ່ສະໜອງໃຫ້ໂດຍຜູ້ໃຊ້ບໍ່ສາມາດດຳເນີນສຳເລັດໄດ້ຕາມຈຸດປະສົງທີ່ເຂົາເຈົ້າເກັບກຳມາ, ຂໍ້ມູນດັ່ງກ່າວຈະຖືກລົບ, ຍ້າຍອອກ ແລະ ລົບອອກໂດຍ MAXIM ກໍເພື່ອປະຕິບັດຕາມກົດໝາຍຂອງ ສປປ ລາວ ໂດຍວິທີການລົບຖິ້ມຢ່າງຖາວອນເຮັດໃຫ້ຂໍ້ມູນດັ່ງກ່າວບໍ່ສາມາດປະມວນຜົນ, ບໍ່ສາມາດ​ເຂົ້າ​ເຖິງ, ​ກູ້​ຄືນ ຫຼື​ ເປີດ​ເຜີຍ​​ໃຫ້​ພາກ​ສ່ວນ​ອື່ນ ຫຼື​ ສາ​ທາ​ລະ​ນະໂດຍ​ບໍ່​ໄດ້​ຮັບ​ອະ​ນຸ​ຍາດ ຫຼື ບໍ່ສາມາດກໍ່​ໃຫ້ເກີດມີຄວາມເສຍຫາຍ​ຕໍ່ຜົນ​ປະ​ໂຫຍດ​ຂອງ​ເຈົ້າຂອງຂໍ້​ມູນ.

ສິດທິຂອງຜູ້ໃຊ້

ຜູ້​ໃຊ້​ມີ​ສິດ​ ແລະ ຄອບຄອງສິດດັ່ງ​ຕໍ່​ໄປ​ນີ້​ກ່ຽວ​ກັບ​ຂໍ້​ມູນ​​ທີ່​ເຂົາ​ເຈົ້າ​ໄດ້​​ໃຫ້ໄວ້ກັບ MAXIM.​

I. ໄດ້ຮັບການແຈ້ງໃຫ້ຊາບວ່າຂໍ້ມູນສ່ວນຕົວທີ່ກ່ຽວຂ້ອງກັບຜູ້ໃຊ້ຈະໄດ້ຮັບການປະມວນຜົນ, ກໍາລັງໄດ້ຮັບການປະມວນຜົນ ຫຼື ເຄີຍໄດ້ຮັບການປະມວນຜົນແລ້ວ;

II. ໄດ້​ຮັບ​ການ​ໃຫ້​ຂໍ້​ມູນ​ທີ່​ລະ​ບຸ​ໄວ້​ຂ້າງ​ລຸ່ມ​ນີ້​ກ່ອນ​ທີ່​ຈະ​ເຂົ້າ​ສູ່ການປ້ອນ​ຂໍ້​ມູນ​ຂອງ​ຕົນ​ເຂົ້າ​ໄປ​ໃນ​ລະ​ບົບ​ປະ​ມວນ​ຜົນ​ຂອງ MAXIM​, ຫຼື​ ໃນ​ໂອກາດອື່ນ​:

A. ຄຳອະທິບາຍຂໍ້ມູນທີ່ຈະເຂົ້າໄປໃນລະບົບ;

B. ຈຸດ​ປະ​ສົງ​ໃນການປະມວນຜົນ ຫລື ຈະໄດ້ຮັບການປະມວນຜົນ;

C. ຂອບເຂດ ແລະ ວິທີການປະມວນຜົນຂໍ້ມູນສ່ວນບຸກຄົນ;

D. ຜູ້ຮັບ ຫຼື ປະເພດຂອງຜູ້ຮັບທີ່ຖືກເປີດເຜີຍ ຫຼື ອາດຈະຖືກເປີດເຜີຍ;

E. ວິທີການນໍາໃຊ້ສໍາລັບການເຂົ້າເຖິງແບບອັດຕະໂນມັດ, ຖ້າຫາກວ່າຜູ້ໃຊ້ອະນຸຍາດ ແລະ ຂອບເຂດທີ່ເຂົ້າເຖິງດັ່ງກ່າວໄດ້ຮັບອະນຸຍາດ;

F. ຂໍ້ມູນປະຈຳຕົວ ແລະ ລາຍລະອຽດການຕິດຕໍ່ຂອງ MAXIM ຫຼື ຕົວແທນ;

G. ໄລຍະເວລາທີ່ຂໍ້ມູນຈະຖືກເກັບໄວ້; ແລະ

H. ສິດທິຂອງເຂົາຜູ້ໃຊ້ເຊັ່ນ: ການເຂົ້າເຖິງ, ການແກ້ໄຂ, ເຊັ່ນດຽວກັນກັບສິດທິໃນການຍື່ນຄໍາຮ້ອງທຸກຕໍ່ອົງການທີ່ເຫມາະສົມ.

III. ການເຂົ້າເຖິງທີ່ສົມເຫດສົມຜົນ, ຕາມຄວາມຕ້ອງການເຊັ່ນ:

A. ເນື້ອໃນຂອງຂໍ້ມູນຂອງລາວທີ່ໄດ້ຮັບການປະມວນຜົນ;

B. ແຫຼ່ງຂໍ້ມູນທີ່ໄດ້ມາ;

C. ຊື່ ແລະ ທີ່ຢູ່ຂອງຜູ້ຮັບຂໍ້ມູນ;

D. ລັກສະນະທີ່ຂໍ້ມູນຖືກປະມວນຜົນ;

E. ເຫດຜົນສໍາລັບການເປີດເຜີຍຂໍ້ມູນສ່ວນບຸກຄົນໃຫ້ກັບຜູ້ຮັບ;

F. ຂໍ້ມູນກ່ຽວກັບຂະບວນການອັດຕະໂນມັດທີ່ຂໍ້ມູນຈະຖືກ ຫຼື ມີແນວໂນ້ມຈະຖືກນຳໃຊ້ເປັນພື້ນຖານພຽງຢ່າງດຽວສໍາລັບການຕັດສິນໃຈໃດໆທີ່ມີຜົນກະທົບຢ່າງຫຼວງຫຼາຍ ຫຼື ຈະສົ່ງຜົນກະທົບຕໍ່ຜູ້ໃຊ້;

G. ວັນທີ່ເຂົ້າເຖິງ ແລະ ແກ້ໄຂຂໍ້ມູນກ່ຽວກັບບຸກຄົນຂອງເຂົາເຈົ້າຄັ້ງລ່າສຸດ;

H. ຊື່ ຫຼື ຕົວຕົນ ແລະ ທີ່ຢູ່ຂອງ MAXIM.

IV. ໂຕ້ແຍ້ງຄວາມບໍ່ຖືກຕ້ອງ ຫຼື ຄວາມຜິດພາດໃນຂໍ້ມູນ ແລະ ໃຫ້ MAXIM ແກ້ໄຂມັນທັນທີ ແລະ ຕາມຄວາມເໝາະສົມ, ເວັ້ນເສຍແຕ່ການຮ້ອງຂໍນັ້ນມີຄວາມສັບສົນ ຫຼື ບໍ່ມີເຫດຜົນ. ຖ້າຂໍ້ມູນຖືກແກ້ໄຂແລ້ວ, MAXIM ຈະຕ້ອງຮັບປະກັນການເຂົ້າເຖິງຂອງຂໍ້ມູນໃຫມ່ ແລະ ຂໍ້ມູນທີ່ຖືກຖອດຖອນ, ຜູ້ຮັບຂໍ້ມູນຈະໄດ້ຮັບຂໍ້ມູນໃຫມ່ ແລະ ຂໍ້ມູນທີ່ຖືກຖອດຖອນພ້ອມກັນ: ໂດຍແຈ້ງໃຫ້ບຸກຄົນທີສາມເຊິ່ງໄດ້ຮັບຂໍ້ມູນທີ່ປະມວນຜົນແລ້ວກ່ອນຫນ້ານີ້​ກ່ຽວ​ກັບ​ຄວາມ​ບໍ່​ຖືກ​ຕ້ອງ​ ແລະ​ ການ​ແກ້​ໄຂຂໍ້ມູນດັ່ງກ່າວ​ຕາມ​ການ​ຮ້ອງ​ຂໍ​ທີ່​ສົມ​ເຫດ​ສົມ​ຜົນ​ຂອງ​ຜູ້​ໃຊ້​;

V. ລະງັບ, ຖອນ ຫຼື ສັ່ງປິດກັ້ນ, ຖອດຖອນ ຫຼື ທຳລາຍຂໍ້ມູນຂອງລາວອອກຈາກລະບົບການຈັດເກັບຂອງ MAXIM ເມື່ອຄົ້ນພົບຫຼັກຖານທີ່ຊັດເຈນ ແລະ ພິສູດໄດ້ວ່າຂໍ້ມູນນັ້ນບໍ່ຄົບຖ້ວນ, ລ່າສະໄໝ, ບໍ່ຖືກຕ້ອງ, ໄດ້ຮັບໂດຍຜິດກົດໝາຍ, ໃຊ້ເພື່ອຈຸດປະສົງທີ່ບໍ່ໄດ້ຮັບອະນຸຍາດ ຫຼື ບໍ່ຈຳເປັນອີກຕໍ່ໄປສຳລັບຈຸດປະສົງທີ່ເກັບກໍາຂໍ້ມູນມາ. ໃນ​ກໍ​ລະ​ນີ​ນີ້, MAXIM ອາດ​ຈະ​ແຈ້ງ​ໃຫ້​ບຸກ​ຄົນ​ທີ​ສາມ​ທີ່​ໄດ້​ຮັບ​ຂໍ້​ມູນ​ທີ່​ຜ່ານການປະມວນຜົນດັ່ງກ່າວຊາບລ່ວງຫນ້າ.

VI. ໄດ້ຮັບການຊົດເຊີຍສໍາລັບຄວາມເສຍຫາຍໃດໆກໍຕາມທີ່ເກີດຂຶ້ນເນື່ອງຈາກຂໍ້ມູນທີ່ບໍ່ຖືກຕ້ອງ, ບໍ່ຄົບຖ້ວນ, ລ່າສະໄຫມ, ຂໍ້ມູນຜິດ, ໄດ້ຮັບໂດຍຜິດກົດຫມາຍ ຫຼື ການນໍາໃຊ້ຂໍ້ມູນໂດຍບໍ່ໄດ້ຮັບອະນຸຍາດ.

VII. ເພື່ອຮ້ອງຂໍການລຶບຂໍ້ມູນສ່ວນບຸກຄົນໃນແອັບພລິເຄຊັນໂດຍການຕິດຕໍ່ຝ່າຍສະຫນັບສະຫນຸນຜ່ານບັນຊີຂອງພວກເຂົາ (ເມນູ - ສະຫນັບສະຫນູນ) ຫຼືື ໂດຍການສົ່ງຄໍາຮ້ອງຂໍການລົບໄປຫາ MAXIM ຫລັງຈາກນັ້ນບັນຊີ ແລະ/ຫຼື ຂໍ້ມູນຈະຖືກລົບພາຍໃນ 30 ມື້ເຮັດວຽກ.

ການຍິນຍອມເຫັນດີຂອງຜູ້ໃຊ້ຈະບໍ່ຖືກບັງຄັບ ຫຼື ຮຽກຮ້ອງຄວາມຍິນຍອມຈາກຜູ້ໃຊ້. ຢ່າງໃດກໍ່ຕາມ, ຜູ້ໃຊ້ຕ້ອງເຂົ້າໃຈວ່າການປະມວນຜົນຂໍ້ມູນແມ່ນສ່ວນປະກອບສໍາຄັນຕໍ່ການດຳເນີນການໃຫ້ບໍລິການໂດຍ MAXIM. ດັ່ງນັ້ນ, ຜູ້ໃຊ້ຄວນຄຳນຶງເຖິງຜົນສະທ້ອນ ແລະ ຜົນກະທົບຂອງການຂາດການຍິນຍອມທີ່ກ່ຽວຂ້ອງກັບການນໍາໃຊ້ ແລະ ການສະຫມັກບໍລິການກ່ອນທີ່ຈະປະຕິເສດ ຫລື ຖອນຄວາມຍິນຍອມ.

ຖ້າຜູ້ໃຊ້ຕ້ອງການໃຊ້ສິດຂອງຕົນ, ລາວອາດສາມາດເຮັດໄດ້ໂດຍການສົ່ງແຈ້ງການທີ່ເປັນລາຍລັກອັກສອນບໍ່ວ່າຈະເປັນສ່ວນຕົວ ຫຼື ຜ່ານທາງໄປສະນີໄປຫາທີ່ຢູ່ຂອງ MAXIM:

ຕຶກທະນາຄານ ຫວຽດຕິນ, ຖະໜົນລ້ານຊ້າງ, ບ້ານຫັດສະດີ, ເມືອງຈັນທະບູລີ, ນະຄອນຫຼວງວຽງຈັນ, ສປປ ລາວ. 

https://taximaxim.com/

ແຈ້ງການຕ້ອງມີຂໍ້ມູນດັ່ງນີ້: (1) ຊື່ຜູ້ໃຊ້, (2) ທີ່ຢູ່ອາໃສ, (3) ເລກບັນຊີສ່ວນຕົວ, (4) ຄໍາອະທິບາຍຂອງຂໍ້ເທັດຈິງທີ່ປະກອບດ້ວຍຂໍ້ມູນລະອຽດທີ່ລະບຸວ່າຂໍ້ມູນຂອງຜູ້ໃຊ້ໄດ້ຖືກປະມວນຜົນແລ້ວ ແລະ (5) ຄໍາຮ້ອງຂໍສະເພາະຂອງຜູ້ໃຊ້ທີ່ສາມາດເຂົ້າເຖິງໄດ້ຕາມກົດຫມາຍ ແລະ ນຳໃຊ້ໄດ້. ແຈ້ງການດັ່ງກ່າວ ຕ້ອງໄດ້ຮັບການລົງນາມຢ່າງຖືກຕ້ອງໂດຍຜູ້ໃຊ້ ແລະ ຕ້ອງມີສໍາເນົາຫຼັກຖານສະແດງຕົວຕົນ. ຫນັງສືແຈ້ງການທີ່ບໍ່ປະຕິບັດຕາມແບບຟອມທີ່ກຳນົດໄວ້ ຈະບໍ່ໄດ້ຮັບການພິຈາລະນາ ຫລື ຮັບຮອງ.

ນະໂຍບາຍຄຸກກີ້

MAXIM ອາດຈະໃຊ້ Cookies ໃນແອັບພລິເຄຊັນເພື່ອອໍານວຍຄວາມສະດວກ, ເພີ່ມປະສິດທິພາບ, ເສີມຂະຫຍາຍການຜະລິດ ແລະ ປະສິດທິພາບການເຮັດວຽກຂອງແອັບພລິເຄຊັນດັ່ງກ່າວທີ່ກ່ຽວຂ້ອງກັບການດຳເນີນການບໍລິການ. ຜູ້​ໃຊ້​ສະ​ຫງວນ​ສິດ​ໃນການປິດກັ້ນ​, ລົບ​ ຫຼື ​ເປີດ Cookies ໂດຍ​ການ​ປັບ​ການ​ຕັ້ງ​ຄ່າ​ທີ່​ພົບ​ເຫັນ​ຢູ່​ໃນ​ອຸ​ປະ​ກອນ​ມື​ຖື ​ຫຼື​ ບາວເຊີ​ອິນ​ເຕີ​ເນັດ​ຂອງ​ເຂົາ​ເຈົ້າ​.

ໃນທີ່ນີ້, MAXIM ອາດຈະຄອບຄອງ, ນໍາໃຊ້ປະໂຫຍດ ແລະ ສະແຫວງຫາປະໂຫຍດຈາກ Cookies ດັ່ງຕໍ່ໄປນີ້ໃນແອັບພລິເຄຊັນ:

I. Very necessary Cookies

Very necessary Cookies ແມ່ນຈໍາເປັນເພື່ອສົ່ງ ແລະ ນໍາໃຊ້ຄໍາຂໍການບໍລິການໃນແອັບພລິເຄຊັນ. Cookies ເຫຼົ່ານີ້ຖືກໃຊ້ເມື່ອຜູ້ໃຊ້ລົງທະບຽນ ແລະ/ຫຼື ເຂົ້າສູ່ລະບົບ. Cookies ດັ່ງກ່າວສາມາດເປັນແບບຊົ່ວຄາວ ຫຼື ຖາວອນ ແລະ ມີບົດບາດສໍາຄັນໃນການປະຕິບັດໂດຍລວມຂອງແອັບພລິເຄຊັນຍ້ອນວ່າພວກມັນເປັນໄຟລ໌ຕົ້ນຕໍຂອງລະບົບ. ຖ້າບໍ່ມີສິ່ງເຫຼົ່ານີ້, MAXIM ຈະບໍ່ສາມາດປະຕິບັດການບໍລິການສໍາລັບຜູ້ໃຊ້ຈະບໍ່ສາມາດຈັດວາງອໍເດີ້ໃດໆໄດ້ ແລະ ແອັບພລິເຄຊັນຈະບໍ່ສາມາດເຮັດວຽກໄດ້ຢ່າງຖືກຕ້ອງ.

II. ການໃຊ້ປະໂຫຍດຈາກ Cookies

Exploitation Cookies ຖືກນໍາໃຊ້ເພື່ອເກັບກໍາຂໍ້ມູນກ່ຽວກັບສະຖິຕິການນໍາໃຊ້ເວັບໄຊທ໌. cookies ປະເພດເຫຼົ່ານີ້ແມ່ນໃຊ້ເພື່ອໃຫ້ໄດ້ມາສະຖິຕິການນໍາໃຊ້ຂອງແອັບພລິເຄຊັນ ແລະ ປະເມີນປະສິດທິຜົນຂອງການໂຄສະນາ.

Cookies ເຫຼົ່ານີ້ບໍ່ໄດ້ເກັບກຳ ຫຼື ເກັບຮັກສາຂໍ້ມູນຂອງຜູ້ໃຊ້. ຂໍ້​ມູນ​ທັງ​ຫມົດ​ທີ່​ເກັບ​ກໍາ​ໂດຍ Cookies ດັ່ງ​ກ່າວ​ແມ່ນ​ສະ​ຖິ​ຕິ​ ແລະ​ ບໍ່ສາ​ມາດ​ລະ​ບຸ​ຕົວ​ຕົນໄດ້​. Exploitation Cookies ອາດເປັນແບບຖາວອນ ແລະຊົ່ວຄາວ ແລະ ພວກມັນຍັງສາມາດເປັນໄຟລ໌ຄຸກກີ້ຫຼັກ ຫຼື ຮອງໄດ້.

III. Operational Cookies

Operational Cookies ແມ່ນໃຊ້ເພື່ອປະມວນຜົນຂໍ້ມູນຂອງຜູ້ໃຊ້ ແລະ ເກັບໄວ້ໃນຖານຂໍ້ມູນ. ໂດຍສະເພາະແລ້ວ Cookies ປະເພດເຫຼົ່ານີ້ຖືກໃຊ້ເພື່ອເກັບຮັກສາອໍເດີ້ຂອງຜູ້ໃຊ້ທີ່ສ້າງໃນກ່ອນຫນ້ານີ້ໃນຖານຂໍ້ມູນສໍາລັບການອ້າງອິງ ຫຼື ການນໍາໃຊ້ໃນອະນາຄົດ ແລະ ປັບປຸງປະສົບການຂອງຜູ້ໃຊ້ໃນຂະນະທີ່ນໍາໃຊ້ແອັບພລິເຄຊັນໂດຍບັນທຶກຕາມລຳດັບຄວາມສໍາຄັນ ແລະ ການຕັ້ງຄ່າຂອງຜູ້ໃຊ້.

Cookies ປະເພດນີ້ໃຊ້ຂໍ້ມູນທີ່ບໍ່ເປີດເຜີຍຊື່ ແລະ ບໍ່ໄດ້ຕິດຕາມການເຄື່ອນໄຫວຂອງຜູ້ໃຊ້ຢູ່ໃນເວັບໄຊອື່ນ. ພວກມັນອາດຈະເປັນຄຸກກີ້ຖາວອນ ແລະ ຊົ່ວຄາວຕາມກໍລະນີ, ລວມທັງມັນຍັງສາມາດເປັນຄຸກກີ້ຫຼັກ ຫຼື ຮອງຂອງແອັບພລິເຄຊັນໄດ້.

IV. Advertising Cookies

Advertising Cookies ​ຈັດ​ການ​ເນື້ອ​ໃນ​ການ​ໂຄ​ສະ​ນາ​ທີ່​ພົບ​ເຫັນ​ຢູ່​ໃນອັບພລິເຄຊັນ​. Cookies ປະເພດນີ້ຖືກໃຊ້ເປັນຫລັກເພື່ອປົກປ້ອງ ແລະ ຈໍາກັດຜູ້ໃຊ້ຈາກການເຂົ້າເບິ່ງໂຄສະນາໂດຍບໍ່ໄດ້ຕັ້ງໃຈທີ່ສະແດງຢູ່ໃນແອັບພລິເຄຊັນ, ເພື່ອປະເມີນການປະຕິບັດ ແລະ ປະສິດທິຜົນຂອງການໂຄສະນາທີ່ມີຢູ່.

Cookies ປະເພດນີ້ຖືກວາງໄວ້ໂດຍບຸກຄົນທີ່ສາມ ອາດຈະເປັນແບບຖາວອນ ຫຼື ຊົ່ວຄາວ. ຈາກ Cookies ນີ້ MAXIM ອາດຈະເປີດເຜີຍ ແລະ ແບ່ງປັນຂໍ້ມູນທີ່ບໍ່ສາມາດລະບຸຕົວຕົນໄດ້ກ່ຽວກັບຜູ້ໃຊ້ໃຫ້ກັບບຸກຄົນທີສາມເຫຼົ່ານີ້. ໃນລັກສະນະດຽວກັນ, ບຸກຄົນທີ່ສາມອາດຈະເກັບກໍາຂໍ້ມູນຈາກຜູ້ໃຊ້ໂດຍຜ່ານວິທີການຂອງ cookies ປະເພດນີ້.

ການສົ່ງ ແລະ ການປະມວນຜົນຂໍ້ມູນຂ້າມແດນ

ໃນການປັບປຸງການປະຕິບັດການບໍລິການ, MAXIM ອາດຈະສົ່ງ ແລະ ປະມວນຜົນຂໍ້ມູນຂອງຜູ້ໃຊ້ໄປຕ່າງປະເທດ.

ເພາະສະນັ້ນ, ໃນການໂອນຂໍ້ມູນໄປຕ່າງປະເທດ, Maxim ຮັບປະກັນຈະຕ້ອງປະຕິບັດໄປາມມາດຕະຖານທີ່ເຫມາະສົມ ແລະ ເປັນມາດຕະຖານດຽວກັບໃນ ສປປ ລາວ, MAXIM ປະຕິບັດຕາມຫຼັກການຄວາມຮັບຜິດຊອບ ແລະ ການນຳໃຊ້ຂໍ້ມູນພາຍໃຕ້ກົດໝາຍຂອງ ສປປ ລາວ. MAXIM ຮັບຜິດຊອບຕໍ່ຂໍ້ມູນພາຍໃຕ້ການຄວບຄຸມ ຫຼື ຄຸ້ມຄອງຂອງຕົນ, ລວມທັງຂໍ້ມູນທີ່ຖືກໂອນໄປໃຫ້ບຸກຄົນທີສາມເພື່ອປະມວນຜົນ, ບໍ່ວ່າຈະເປັນພາຍໃນ ຫຼື ຕ່າງປະເທດ, MAXIM ແມ່ນຮັບຜິດຊອບຕໍ່ການປະຕິບັດຕາມຂໍ້ກຳນົດຂອງກົດໝາຍ ສປປ ລາວ ແລະ ນຳໃຊ້ຕາມສັນຍາ ຫຼື ວິທີອື່ນທີ່ເຫມາະສົມເພື່ອໃຫ້ມີລະດັບການປົກປ້ອງທີ່ທຽບເທົ່າໄດ້ໃນຂະນະທີ່ຂໍ້ມູນກໍາລັງດໍາເນີນການໂດຍບຸກຄົນທີ່ທີສາມ. MAXIM ໄດ້ມີການກຳນົດບຸກຄົນທີ່ຮັບຜິດຊອບໃນການປະຕິບັດຕາມກົດໝາຍຂອງ ສປປ ລາວ ຂອງອົງກອນໂດຍສາມາດລະບຸຕົວຕົນບຸກຄົນເຫລົ່ານີ້ໄດ້ຢ່າງງ່າຍດາຍ.

ການ​ໂອນ​ຂໍ້​ມູນ​ໄປ​ຕ່າງ​ປະ​ເທດ​ດັ່ງກ່າວຂ້າງ​ເທິງ​ນີ້​ ຈະ​ບໍ່​ສາມາດນໍາ​ໃຊ້​ໄດ້​ກັບ​ກໍ​ລະ​ນີ​ດັ່ງ​ຕໍ່​ໄປ​ນີ້​:

1​) ມັນ​ເປັນ​ການ​ປະ​ຕິ​ບັດ​ຕາມ​ກົດ​ຫມາຍ​;

2) ມັນເປັນສິ່ງຈໍາເປັນໃນການປະຕິບັດຕາມສັນຍາທີ່ເຈົ້າຂອງຂໍ້ມູນເປັນຄູ່ສັນຍາ ຫຼື ເພື່ອການນໍາໃຊ້ໃນການປະມວນຜົນຄຳຂໍຂອງເຈົ້າຂອງຂໍ້ມູນກ່ອນທີ່ຈະເຮັດສັນຍາ;

3) ມັນເປັນການປະຕິບັດພາຍໃຕ້ສັນຍາລະຫວ່າງຜູ້ຄວບຄຸມຂໍ້ມູນສ່ວນບຸກຄົນກັບບຸກຄົນ ຫຼື ນິຕິບຸກຄົນອື່ນເພື່ອຜົນປະໂຫຍດຂອງເຈົ້າຂອງຂໍ້ມູນ;

4) ປ້ອງກັນ ຫຼື ສະກັດກັ້ນອັນຕະລາຍຕໍ່ຊີວິດ, ຮ່າງກາຍ ຫຼື ສຸຂະພາບຂອງເຈົ້າຂອງຂໍ້ມູນສ່ວນຕົວ; ຫຼື ບຸກຄົນອື່ນໃນເວລາທີ່ເຈົ້າຂອງຂໍ້ມູນສ່ວນບຸກຄົນບໍ່ສາມາດໃຫ້ການຍິນຍອມເຫັນດີໃນເວລານັ້ນ;

5) ເປັນສິ່ງຈໍາເປັນໃນການປະຕິບັດພາລະກິດ ເພື່ອຜົນປະໂຫຍດສ່ວນລວມທີ່ສໍາຄັນ.

ການແກ້ໄຂ

MAXIM ອາດແກ້ໄຂ, ປັບປ່ຽນ ແລະ ເພີ່ມເຕີມນະໂຍບາຍນີ້ໂດຍບໍ່ຕ້ອງໃຫ້ຜູ້ໃຊ້ດໍາເນີນການໃດໆ ຫລື ແຈ້ງໃຫ້ຊາບ. ຜູ້ໃຊ້ຈະໄດ້ຮັບການອັບເດດ ຫລື ແຈ້ງໃຫ້ຊາບກ່ຽວກັບການແກ້ໄຂ ຫລື ປ່ຽນແປງດັ່ງກ່າວຜ່ານແອັບພລິເຄຊັນ.

ຜູ້ໃຊ້ຕ້ອງຮັບຜິດຊອບຕົນເອງໃນການອ່ານ ແລະ ກວດສອບຄືນການອັບເດດ, ການປ່ຽນແປງ ຫຼື ການແກ້ໄຂນະໂຍບາຍ. ການສະໝັກໃຊ້ ແລະ ການຈັດຫາບໍລິການຂອງ MAXIM ຢ່າງຕໍ່ເນື່ອງຈະຖືວ່າເປັນການຍອມຮັບ ແລະ ສອດຄ່ອງຕໍ່ກັບການແກ້ໄຂນະໂຍບາຍ.

ການຕີຄວາມ ແລະ ການນຳໃຊ້ເພີ່ມເຕີມ

ເປັນທີ່ຊາບກັນດີວ່າບົດບັນຍັດ, ກົດລະບຽບ, ແລະ ຂໍ້ກໍານົດທີ່ມີຢູ່ໃນນີ້ຈະຄວບຄຸມການປະມວນຜົນຂໍ້ມູນຂອງຜູ້ໃຊ້ເປັນຫລັກ. ນະ​ໂຍ​ບາຍ​ຈະ​ໄດ້​ຮັບ​ການ​ຕີ​ຄວາມ​ຢ່າງ​ເສລີ ເພື່ອ​ປະ​ຕິ​ບັດຕາມ​ຈຸດ​ປະ​ສົງ​ຂອງ​ສັນ​ຍາ​ຢ່າງ​ຖືກ​ຕ້ອງ​ຕາມ​ກົດ​ໝາຍ ແລະ ຍຸດຕິທຳ. ຜູ້ໃຊ້ສາມາດແຈ້ງການປ່ຽນແປງຄວາມຍິນຍອມໄດ້, ຖ້າຜູ້ໃຊ້ບໍ່ໄດ້ແຈ້ງການປ່ຽນແປງ, ຈະຖືວ່າຜູ້ໃຊ້ຍິນຍອມໃຫ້ມີການປ່ຽນແປງດັ່ງກ່າວ.

ເຖິງຢ່າງໃດກໍ່ຕາມ, ຂໍ້ກໍານົດໃນສັນຍາຈະຕ້ອງໃຊ້ໃນລັກສະນະເສີມ.

ໃນ​ກໍ​ລະ​ນີ​ທີ່​ມີ​ຄວາມ​ຂັດ​ແຍ່ງ​ທີ່ບໍ່ສາມາດປະນີປະນອມ​ໄດ້​ລະ​ຫວ່າງ​ການ​ຕີ​ຄວາມ​, ເນື້ອ​ໃນ​ ແລະ ​ຄໍາ​ສັບ​ຕ່າງໆ​ຂອງ​ຂໍ້​ກໍາ​ນົດ​ຂອງ​ນະ​ໂຍ​ບາຍ​ ແລະ​ ສັນ​ຍາ​, ການ​ຕີ​ຄວາມ​ທີ່​ເອື້ອ​ອໍາ​ນວຍ​ເພື່ອ​ຄວາມ​ຖືກ​ຕ້ອງ ​ແລະ ​ຖືກຕ້ອງຕາມ​ກົດ​ຫມາຍ​ຂອງ​ສັນ​ຍາ​ຈະຖືກຖືເປັນຫລັກທີ່ເໜືອກ່ວາ​.